怎樣買到有誠信的股票

巴黎：

巴黎非常感激我的前老板，如果要我選我從他身上學到最寶貴的、影響我日後最深的一樣東西，我會說是------誠實。

我老板所謂的誠實不是一些小伙子心目中那種道德的要求，而是一個聰明人的策略！

富蘭克林說："誠實是一個好的策略"

點解呢？！因為你不用花時間記著自已說過的每個大話，
不用擔心因有人聰明過自已而被揭發。

在網上，沒有人要求閣下說不想說的話，所以誠實策略就非常容易實行。
誠實對Trader尤為重要，因為買賣的交易多，如果你說謊，只要稍為跟跟，人們便很易悉破你。

誠信失去較諸於盈利失去，對股票的破壞力更大。

學習投資的第一步，就是要先學習分辯說話的真偽。怎樣分辯呢？先從那人的頭一篇文，一直看到最後的一篇。並且以其交易的時間和股票歷史真實價格圖核對。比對他"說"的不同股票買入和賣出的價格是否一致。看看有沒有delete文，回答別人的問題時是為討好，還是為道理！？簡單說，就是聽其言、觀其行！

最近網上流行一句"賺錢就是硬道理"，如果要選那些說話最妨礙腦筋，我會選這一句，第一，這是一句穿鑿附會鄧小平的發展就是硬道理的話，第一個是天材，第二個自然就是蠢才；第二，按這個邏輯，只要在沒有人看到的時候，我們是可以盜竊，因為對自已並沒有壞結果而有得益，那麼"不被抓著就會是硬道理"了。這種不需要求原因，只要結果有利便是對的想法正是步入敗壞的第一步。相信這話就很自然引導人認為Wall Street某些敗類是可以學習，他們被抓著的時候不是求原諒，而是再說一個更大的慌言，因為脫身就是硬道理。


以下是某投機客的一篇舊文，與其現在比較，簡直是判若二人，我自已就覺得令人歎為觀止。

--------------------------------------------
作者：某人

加入股海

網誌日期：2007-07-22 22:36

近期見到愈來愈多身邊既人加入股海，我亦有同事，由原本只是買股票放入枕頭底唔理既人，變成會買進賣出、又會主動睇投資的
discussion group的活躍投資者。亦有好多朋友新接觸股票以及其他投資。
我有位朋友的太太，見周圍既人都炒股獲利，自己身痕
又想玩。那位朋友的太太掌握100%的財政大權，我實在替他擔心，他問我點睇。咁我話，買股票都唔係壞事來既，只要有正確觀念，唔好亂炒一通，先認知，再
投資，唔一定會出問題。我介紹咗幾本書俾佢太太：
一、《富足一生－－十大投資心法》東尼
二、《證券分析實踐》林森池
三、
《平民資本家》林森池
四、《解讀巴菲持》淳洋
等他太太基本上有ｄ正確既觀念，唔好出事先，之後有興趣先再睇其他書。
誰
知他的太太拒絕閱讀，說「睇書好悶」。咁我叫那位朋友，一係就勸掂老婆唔好玩股，一係呢就想辦法奪回財政大權。實在令人擔心，祝佢好運。
小
弟投資咗一段日子，趁這個時候和大家分享下自己認為正確的想法：（其實好多觀念書都有講。大家若有什麼不同意見，好歡迎提出一齊討論，集思廣益。）
一、
有人話投資未蝕過錢唔會學精，即係要交學費。我覺得未必。要避免失敗，就要向歷史吸取教訓（即係睇多ｄ書，學多ｄ嘢，睇前人既經驗），自己碰壁唔代表有長
進。所以我一直主張讀多ｄ書係絕對有用。
二、投資第一步，係先要唔好蝕錢先，無哂本金，就唔使講什麼東山再起。而虧損亦對將來投資的複利回
報會造成巨大損害。投資虧損50%的話，將來要賺100%才可以回本。所以股神話1.不要虧損。2.要緊緊記住第一條。
三、絕對無人能夠預
測將來既事。如果有條友來話你知隻股聽日或者呢個月必定會升或者跌，一係佢就昆你，一係佢就係白痴（連佢都俾人昆，唔係就自己呃自己）。（from曹仁
超）有歷史統計，94%既人係估錯市，只有6%估啱，而果6%之中，幾乎全部係撞彩。
四、買股票同係超市買嘢或者買電器一樣，你大拿拿俾舊
錢出來買嘢，一定要知道買咗ｄ乜，絕不可人云亦云。呢個世界真係好奇怪，尤其是係ｄC9，買條廁紙都要周圍格檟，買部電視都要問長問短周圍睇，仲要諗一大
輪先買，無法想象點解佢地可以諗都唔使點諗，就拋幾十萬出來買一間無人知道業務知乜既公司股票。
五、絕不能刀仔据大樹，抱投機心態，心想只
係賺差價。本金少絕對唔係投機既藉口。投機即係賭。係股票市場，80%既人係輸錢，15%既人係微利，只有5%既人係發達。點解咁少人發達？因為大部分所
謂「投資者」一係就無知，一係就其實係度投機，多數人係「贏粒糖、輸間廠」。
六、絕對戒聽貼士、戒買三四線股。買股一定要買龍頭、買優質藍
籌。一般投資者，總係成日想沙中掏金，係垃圾堆中尋寶。我認為係垃圾堆中搵到垃圾既機會，絕對遠遠大過搵到寶藏既機會。龍頭股、優質藍籌點解係龍頭點解係
藍籌？絕對有其原因。好既公司一定唔會多。咁係咪買親呢ｄ股都無死呢？咁又唔係。不過，係呢ｄ股中搵到好嘢既機會，遠遠超過係垃圾堆中搵到既機會。
七、 買
股發達多數係渣長線，渣優質股（千里馬），賺盡複利回報。買股票即係買入上市公司的部份股權，唔係買公仔紙。所以買股能否獲利，係睇公司質素，而唔係望住
個金魚缸睇住每日股價升跌。極少見過有投機者好成功，破產既就好多。股神巴菲特既辦公室裏面，無電腦，無報價機，只係得公司年報同電話。佢渣既公司股權，
最賺錢果ｄ，都係你同我都聽過既，例如可口可樂、美國運通、吉列、華盛頓郵報、喜詩糖果等等。
八、買股要基本分析，最好有睇公司年報，知道
公司業務同資金既情況。講過，買嘢之前首先要知道自己買咗ｄ乜。另外，買入之後要知既嘢，唔係股價點波動，唔係望住個金魚缸；而係去留意公司新聞，留意公
司既發展同經濟既情況令到你買入既公司有咩轉變。發覺有大問題，或者你當初買入佢既原因已經唔存在，先至沽貨。股價既暴升暴跌，唔係買入沽出既指標。
九、
續以上所講，我不認為技術分析對長線投資有什麼幫助。畢菲特批評技術分析: 只會令你破產, 而且可能不只一次。索羅斯批評: 不可能在圖上畫幾條線, 就可以知道股價升跌, 兩者跟本没有羅輯關係。林森池：超級投資機構要在二手市
場撿便宜貨，反而要利用圖表上的技術指標，作反走勢買賣。圖表陷阱處處，單信奉圖表走勢，往往成為超級投資機構的點心。
講
住咁多先，第日有機會再分享過。

------------------------

知多一點：

Loading