2018年11月4日星期日

善用期權,減低風險:直播後感想

星期六早上和Cody兄做了一个有関如何以期權對冲股票風險的直播。
非常感謝Cody兄的無私分享。

然而Cody兄卻擔心不是很多人明白他所說的,因此我特意寫這文作為看片前的導入。

但我知道有期權經驗的朋友,一定會覺得受益不淺。

一般散户市场上有関期權用法有兩類:

A)投機
1.以小博大的纯買入認沽或認購期權;
2.沽出超出承擔能力的認沽或認購期權,産生超風險的現金流
B)一對一對冲
1.以沽出和手上持有的同等值現金的認沽期權,代替直接購入正股,令成本減輕;
2.以沽出和手上持有的同等值股票的認購期權,代替直接沽出正股,增高沽出價;
這種對冲法在股價走高時會把利潤封頂,在走低時亦只會減低小小的入貨價;
C)一對一 再加 X倍的對冲,
本集有趣之處是,Cody兄教大家如何利用同月跨價的近價期金高和價外期金低的特性,沽出近價期權完全對衝全部股票或現金(1比1),再買入1x倍的價外期權,賺取二者的淨差價的同時,又能享受突然大升或大跌時出現的超出價外行使價時的福利。

或許有朋友會說B項中還有其它的一對一對衝策略,例如持有股票同時買入認沽......等。

因為價值投資者特性是長牛,其中心思想是i)買入和i i)長期持有價格低於價值的股票,所以Cody兄提供的B項二策略非常配合這思想,這策略只會做淨收期金的一方,不會浪費做淨現金流出一方,做交易前也是先衡量股票的内在價值和價格的分離是否有利可圖,做法完全沒有予盾。

而他重點提到建基於B策略的 C「+1x」操作就更進一步。

若Blog友有什麽問題,歡迎在這文底下或Youtube裏留言。


75 則留言:

  1. 回覆
    1. 飛鳥兄,你和Cody兄的不投機和正向的東西令大家都受益。
      今次的『價投+期權』策略,能穩情緒,做現金流,每個人都應該績極學習。
      若Viewer過千,我會乞求他添多一場(最終仍由他老人家決定),大家記得廣傳。

      刪除
  2. 之前深入諗過呢種方法,但我建議唔好成日做SC,SP,除非估值到左過高先做SC,過低做SC。
    如果每月都做,最大問題就係成交左要比手續買,例如SP,買左貨要比股票交易既手續$(都幾高),如果無成交只係期權既手續$比較低。如果唔需要手續費理論上長做期權SC,SP會跑勝指數基金,但係手續$過高,一買一賣手續$好貴,而且無必要時候亂賣,估值低賣左,無意思。所以最重要都係分析公司既估值,從而決定買賣。如果持有現貨可以係相對高位,但未算最高位做SC 都有利。最重要係估值,唔好一直亂做係重點。

    回覆刪除
    回覆
    1. Cody兄和一般的不同,是short at the money的期權+買入1.x倍的out of money同性期權,而非單一的short。利的一面是大市走相反,會大殺期金,不利的一面大市持續,At the money的期權變了 deeply in the money,但因為手持現貨不會輸。但己入價那一截看似賺小了,但買入的那1.x期權己由out of money變成at the money,Delta值和期金會大升,可能己足夠厘補前面賺小的那一截和不縛死現貨。

      結論是風吹有利一面則大賺,不利一面則小賺。

      但要留意每做多一筆交易,就會多一筆交易費,這套策略多了一筆long價外期權交易,兼要和short at the money同一時間做,又要等舍適合的價位,耐性和定力非常重要。

      刪除
    2. 我知佢做法,一定係要揸現貨,否則即係賭博。但係揸現貨唔代表任何時候做期權都係有利。我舉例,當大市趺到好平,例如15000,手持現貨 1號仔,又去做SC,反彈少少就賣左,就算有SC,上升反彈去速度已經過快有機會。大賺同小賺既諗法,個諗法其實有問題,表面上係必賺。但其實係用緊機會成本去換取,如果你買入一隻股票之後做好近既,收既%會高D,但好容易又平倉實際賺既有限,因為平倉再開同一個倉之間既成本好高。
      如果做既係距離現價比較大情況,收既%非常少。
      絕對唔係必賺甘簡單,係用機會成本去換取,而且個機會成本再扣埋手續費之後實際得益好有限。
      如果從股票本質上去睇我地買入一間公司,佢不停產生盈利,現金流但係做近既SP即係可能係合理價就賣出只係貪短期利益。
      真正做法係分析估值,再利用SC,SP有少量作用,但唔會好大作用,原因都係因為手續費過高。

      但我個時一直係度諗另一個問題就係月供股票,例如月供2800,不如每月SP 2800,SP2800 成本一定係低D如果每月SP理論上好似容易成本比起月供既低。但實際情況係有某D假設,呢個方法可以試反正我覺得同直接買貨方法唔會相差太大。

      刪除
    3. Mark兄,期權策略,千變萬化。
      單單不同的「行使價」己有不同風險,
      「C」的策略和「B」的,分別更加很大。

      刪除
    4. 多謝巴黎Sir解釋, 所以訪問中已說明是超級傻瓜例子,唔係必賺嘅例子。
      唔同嘅情況唔可能係一個鐘頭嘅訪問之中完全講得曬出嚟。 以上例最差情況嘅時候, 就係啲股票俾人call走,然後underlying 收在兩組低高Call Options之間, 即係詒右邊嗰隻腳expired worthless。 對期權有一定研究嘅話, 應該會知道呢一個策略是再可以左右微調的。

      訪問只係想帶出期權的可能性, 同埋長線組合點樣可以再優化回報。

      刪除
    5. CoPlanet, 正是如此,所以右邊的call相距多小小也很重要。腾訉大升天前在260元時,at the money call約是16元,290元call約是6元,現價300元時,260元call是45元,290則call是22元,若果比例是+1:-1.5,260call輸29元,290call共賺24元,淨輸5元,只是260元的1.5%,但正股騰訊己升及賺了43元。

      刪除
    6. 若騰訊下跌,就淨賺16元-6元x1.5=5元,一年的成本減低60元或23%。正股升或跌引致的期權輸贏都是約5元,算公平,相信其它股的升跌損失比例也是相若,但考慮到股票必定是長升,例如盈富,這套策略看來很是吸引。

      刪除
    7. 我知期權有更多無限組合及變化去玩,但原則上大部份有問題,例如C方法係有問題,LOGIC上唔合價值投資法。
      原因係B 方法同C 方法其實 分別就係多左 LC係遠既價,如果你覺得佢係開始貴,理論上要做B方法賺取期權金鎖定利潤就算賣出都無所謂。但係如果用C方法,本質上意思即係用更貴既方法再補返現貨如果上升(賭徒諗法,唔合價值投資諗法)。
      我試下去用文字解釋根本既原因:試諗一下如果而家覺得隻股票貴,理論上做B方法就夠。如果覺得平,B方法同C方法都唔會做,因為隨時急升,做完B/C都會賺少左。如果覺得貴情況之下用C方法即係話原則上即係話當佢貴,但又怕失去現貨,LOGIC上唔合理,如果貴何解又怕失去?由呢個方法諗已經代表期權已經變成期博工具,但係以大博小既工具。因為係更貴既情況竟然買貨(LC),平既情況賣貨(SC)。無論平同貴情況都唔會做C方法,所以C方法原則上係唔合價值投資法。

      你講得岩,期權千變萬化,玩期權其實考既就係LOGIC,如果呢條問題交比巴菲特相信好容易諗出其中問題,但我好多普通人可能講一世都唔明LOGIC有咩問題,表面上好似好多都可以行得通賺錢,但實際係有問題,因為有更優化版本取代。
      其實可以舉D方法,再加多一隻期權(SC,LC,SP,LC),又或者更多更多,你要用價格去諗幾時賺幾時蝕係無意義,相反要知道做呢個動作意義何在。最重要係,當做得越多隨時會行使,即係手續費真係好貴,真係有認真計就知最好少做期權除非有必要時。
      LOGIC上黎講只有兩個方法行得通係最優先既情況,有現貨覺得貴只做一個SC,無現貨想買貨覺得唔夠平做SP。
      其他方法我都幾肯定係賭博,只係某D方法以小博大,以大博小等等方法。

      刪除
    8. 以實際情況之下唔可以分得出邊個方法係最好,因為實戰可以雙WIN,只係邊個更好亦不能由實際情況分到。但玩期權我會由LOGIC入手,否則大部份情況增加左復習性看似高招,但實際可能無招勝有招會更亂但又未必係好。
      C方法問題在於根本自己都唔肯定估值係平定貴,貴又點可能去做多一個LC怕失去現貨。

      刪除
    9. Mark, 完全了解以上的憂慮。 亦多謝你提醒其他讀者 , 這個策略的缺點。這個策略叫做vertical bear call ratio spread。 原意係前路茫茫,甚至乎有少少熊熊地先會用, 目的係一點點收回成本,但又怕真係會大反彈。 正如你都知道 ,右邊嗰隻腳只是買保險。

      如果好有conviction, 當然唔會用呢種策略。LC or LP 就已經搞掂曬。 至於估值同埋技術分析, 呢個唔係訪問之中嘅topic, 而巴黎sir同埋飛了兄又一係當中嘅專家, 我會留返畀佢哋講。 的確 用期權策略嘅時候如果配合番技術分析, 會事半功倍好多。 但係因為時間上嘅關係, 我只能重點講呢種策略嘅可能性。

      每一個期權策略都有一定嘅背景, 先至會發揮到去最大嘅功能。

      刪除
    10. 此留言已被作者移除。

      刪除
    11. "CoPlanet, 正是如此,所以右邊的call相距多小小也很重要。腾訉大升天前在260元時,at the money call約是16元,290元call約是6元,現價300元時,260元call是45元,290則call是22元,若果比例是+1:-1.5,260call輸29元,290call共賺24元,淨輸5元,只是260元的1.5%,但正股騰訊己升及賺了43元。"

      遇到咁嘅情況我只會向右邊平Long Call倉, 左邊嘅short call我會有得佢畀人call走,結算之後睇下估值如何再用Short Put買貨。

      SC 700 @$260: +$16
      LC 700 @$290: -$6
      SC 700 @$290: +$22 (When underlying is $300)
      ---------------------------------------------
      +$32 (1:1 Ratio)

      SC 700 @$260: +$16
      LC 700 @$290: -$9
      SC 700 @$290: +$33 (When underlying is $300)
      ---------------------------------------------
      +$42 (1:1.5 Ratio)

      如果市場走勢唔係牛皮或者微跌,呢個策略就可能會賺少一部分

      刪除
    12. Cody兄,我會平曬D call,然後再開多套,short300,long 1.5x的330。

      刪除
    13. Cody兄有關你對Mark兄的解答,非常充份,唯一補充是,Warrent Buffett2009年有做過B策略收4.9B期金架,今年剛剛才到了期。

      刪除
    14. https://valuepartnersblog.wordpress.com/2018/02/12/%E5%B7%B4%E8%8F%B2%E7%89%B9%E7%9A%84%E9%81%B8%E6%93%87%E6%AC%8A%E6%8A%95%E8%B3%87/
      股神都做過D期權操作,主要做過直接開SP。另外2009年投資高盛時候得到一筆價外LC 期權都賺左一大筆。期神做超長年期既SP,金額非常大,但可以控制,佢既理念係股市長牛,而且一開始得到一大筆錢,而實際無需要做任何野,但要有筆保證金,但實際上對股神無咩影響,但就得到一筆錢無中生有既錢仲可以投資。

      刪除
    15. Short Put係正Delta, 如果深入價內咁樣嚟做Long Dated Short Put, 其實即係超低成本借錢嚟買貨, 仲要有埋時間值喺自己嗰邊, 股神即係股神, 佢有能力要求對家唔可以行使佢嘅期權, 唔同我哋散戶, 抵佢賺嘅

      刪除
    16. 是的,股神的是歐式,對手是一班正在叫救命的人,所以Maintenance margin 只是1%,普通人那有可能做。

      刪除
    17. 我都唔明邊個投資機構甘笨同佢簽呢D超長年期期權同股神對賭。入面仲定左某D限制係有利股神,例如不能追收更多保證金/底押品。點解人地會肯開呢個合約都係神奇之事。

      刪除
    18. Mark兄,事後看任何人都很聰明,但我們要站在對方的立場看。
      就如人人都知,長遠股票一定升,爲何要SC一樣,
      股票是會波動,如果投資人能夠忍耐波動,買了股票之後去游山玩水就可以,何必要做期權呢?
      現實是人性有弱點,所以就要分析這些策略能否幫到手,把組合的波動降低。

      刪除
    19. 所以SC只係會做短期,唔會做超長期SC,除非行使價好遠。
      而家同賭神對賭既人相應既係LP而且非常長期,意思即係長期睇淡股市(15-20年後),要取勝非常難其實,當然如果期權金極小,估值又高情況之下都可以做一做,都係睇價格。

      刪除
    20. 不可以簡單說對手做Long put就是看淡, 他們可能持有大量股票,衡量大跌市中再跌就要被call爆margin, 所以就要犧牲一些現金,棄車保帥。

      刪除
    21. 所以係我地正常情況任何情況之下都唔會利用證券行/銀行做孖展就算只係做持股既10-20%,假如有CALL MARGIN情況。股神利用保險金係唔會比人call margin情況之下做左margin買貨,回報先會再加倍放大。

      刪除
    22. 期交所和港交所是獨立,所以按金也是。

      刪除
    23. @Tony Law
      Refer to:
      「CoPlanet, 正是如此,所以右邊的call相距多小小也很重要。腾訉大升天前在260元時,at the money call約是16元,290元call約是6元,現價300元時,260元call是45元,290則call是22元,若果比例是+1:-1.5,260call輸29元,290call共賺24元,淨輸5元,只是260元的1.5%,但正股騰訊己升及賺了43元。」

      問題:小弟想double confirm: 這個情況即是:
      投資者即是最後以$267(260+SC$16-LC6-LC3)離場了? 還是以$255離場了? 謝謝。

      刪除
    24. 此留言已被作者移除。

      刪除
    25. 投資者可以平掉所有的倉賺利潤。

      刪除
  3. 見到CODY兄甘努力講解
    真心要謝謝CODY兄
    還有巴黎

    初學者唔了解係會好難明
    須要有基本概念同埋要思路好清晰

    回覆刪除
    回覆
    1. Vanned兄,注意到這個問題,
      若果多些朋友想認識,Cody兄或會再來一次。

      刪除
  4. 感謝 Cody 兄清晰和耐心的的解釋!價值投資者10%時間買入、10%時間賣出,其餘時間都在等待;活用期權確實讓我們在等待的時間都能賺到時間值,同時控制風險。另,很喜歡 Cody 兄用「屈鐵線」做比喻,很形象化!

    在此重複早前已向 Cody 兄討教的問題讓各位參考:
    1. 香港買到嘅期權係 American 定 European?即如果我 SP 但到期日前到價,會否被提早行使?
    2. 期權的 Counterparty 係交易所定係市場對手?如果後者,對方唔 Honour 合約的後果是什麼?破產?

    @飛鳥兄,對不起,Last In First Out 了,第一場直播我會稍後再追番,湊仔真係好多嘢準備 😅

    回覆刪除
    回覆
    1. 福祿壽兄,這是cody兄的回答:
      1) 所有香港嘅股票期權都係美式, 但係指數期權就係歐式
      2) 冇對家時(本成交好少好少嘅)就係market maker , 流動性高嗰啲當然就係其他期權買家或賣家

      因為係經交易所的,所以對方冇得唔honour, 佢會被迫清倉。 交易所做中間人安全好多, 呢啲唔係forward合約

      刪除
    2. 個人有些小補充:
      1.即使是美式,股票期權有時間值,就算贏家也沒動機不在市場平倉而去選擇行使,但商品期權則可能是另一回事。

      刪除
    3. 此留言已被作者移除。

      刪除
    4. 多謝福兄美言!我第一次做訪問,講嘢有D急。講得唔清楚還請見諒。

      1) 所有香港嘅股票期權都係美式, 但係指數期權就係歐式
      2) 冇對家時(本成交好少好少嘅)就係market maker , 流動性高嗰啲當然就係其他期權買家或賣家

      因為係經交易所的,所以對方冇得唔honour, 佢會被迫清倉。 交易所做中間人安全好多, 呢啲唔係forward合約,所以唔駛擔心!

      刪除
    5. 福祿壽兄你果然好眼力, 其實左右邊【屈鐵線] 係我個人最喜歡嘅策略 - 即係Collar, 每個月嘅期權金可以愛嚟慢慢買正股。

      刪除
    6. 現在的投資工具可以幫手顯示買賣的“風險圖”,不至於出現肥手指或頭昏腦漲時下錯單,
      例如IB的“策略創建器”就可以顯示Cody兄用的是Collar圖,非常多謝Cody兄的介紹!

      刪除
  5. 當然想CODY 兄在來一次

    如果我用Long Side 做保險
    來保障Short Side 面臨爆升(賣貨)或爆跌(接貨)風險

    因Long Side 有時間值問題
    所以想知道Long Side 是否只適用於短期急漲或急跌
    不應該持有至到期結算
    ——————————————————————
    假設到期
    Long Side那一邊
    1.價外=無價值/0
    2.平價=無價值/0
    3.價內=合約與正股差價-買入時的期權金價

    Short Side那一邊
    1.價外=全取期權金(不用賣/接貨)
    2.平價=全取期權金(不用賣/接貨)
    3.價內=全取期權金(須被”行使”)
    ——————————————————————

    “行使”(須要以行使價賣/接價)
    Short call(須用行使價被逼賣貨,無法享受正股後續升幅)
    Short put (須用行使價被逼接貨,面臨股急跌後的損失)

    如果CODY兄會再直播
    希望可以講解下
    在什麼情況/市況下
    會如何作出策略

    回覆刪除
    回覆
    1. 一個產品,例如雞蛋,佢而家價值$5每隻。 假設而家有今個月尾到期既期價,只有兩個期權行使價 $4.5 / $5.5 既期權。
      LP 4.5 即係你付出幾多錢去博佢趺到 低過$4.5, 例如 $0.1(成交價) ,即係趺到$4.4係打和價,因為你一開始就用左$0.1去買呢個合約,當趺低過行使價你就可以行使權利,你可以用低過4.5去買蛋。當個價趺到$1 你就賺左 $3.4 但你只需要一開始比$0.1既價,即係34倍。
      LC 5.5 即係你用幾錢博佢高過 5.5 例如 成交價$0.1,即係你用左$0.1,打和價 $5.6,當大升超過5.5 你會行使,再賣出隻雞蛋,假設雞蛋升到$10 你有權利用 $5.5 去買呢隻雞蛋(因為你當初比左$0.1),回報即係$10-$5.6=$4.4/0.1=44倍。

      S即係做莊。
      SP 4.5 價格係0.1成交,意思即係當雞蛋趺到$1 你都要用$4.5去買貨。你得到既係$0.1既錢,但如果雞蛋趺到好平,就會蝕得好多但得到非常少。但做莊好少會輸如果距離現價係遠,意思即係現在雞蛋$5你要估計佢突然大趺其實有難度。
      SC 5.5 價值成交係$0.1 意思即係當雞蛋升到$10,你要賣左隻雞蛋如果佢升穿$5.5,即係你要用$5.5賣左隻蛋。你實在係成交時候得到$0.1(一開始得到)+5.5(最後得到),但蛋既價格升到$10,理論上你要蝕 $4.6。
      SC情況下風險無限大,如果你本身無持有蛋又做SC,因為你無蛋,即係沽空左雞係某個價位。

      仲有LC 4.5其實,呢個係價內期權,利用槓桿,呢個時候做閒勝既機會非常高,因為蛋既價$5,好明顯LC既價會超過
      0.5,當佢(0.6)。呢個時候意思即係,假設蛋上升到$10,你一開始只需要用0.6成本唔需要用$5去買,利用槓桿係要付出0.1溢價(0.6-0.5=0.1)。
      仲有LP 5.5 原理同LC 4.5非常似但係博佢趺。
      當你明白呢個例子,基本上就可以明白任何產品既期權。期權:有一個產品(有價格),唔同既價格都可以做,有到期日。指數期權即係講緊恆指,去估計恆指,現金結算(每一點$10/$50)。股票期權即係講股票。價格會有好多因為人地去想估唔同價既情況,到期日都一樣好多。只要你明白個CONCEPT 任何期權都無難度使用期權,但係你要去評估佢升趺非常困難,呢樣野最基本道理其實同估值一樣意思。
      我舉例,當隻股票好平,平到唔合理既平,你可以做LC,SP,根據你自身情況。
      唔合理貴,會做LP。貴貴地唔算太貴可以做價外SC(一定要持有現貨)。

      刪除
    2. 當你明白以上各個例子,之後你就要去計算你想用既行使價同到期日。因為好多時會有唔同行使價比人去用,到期日亦一用,呢度係要你計算評估。期權只能靠你明白根本道理,實際情況絕對要自己掌握及計算最合適既工具。
      到期日方面比多少少例子。例如唔一定係今個月,亦可以係下年,或者下個月,假設係下一個月。
      LP 4.5 (下月)既價格好明顯會高過LP 4.5 (今月)。因為有更多時間比你去博緊去趺穿行使價。時間越長價格越高,你要計算之間回報(假設到期趺到某個位,選最優化既到期日及行使價)。

      刪除
    3. 多謝Mark兄補充。
      L C+S P=買入股票,二者功用相同。你可以做這一套期權,也可以單單買正股就可以。
      期權千變萬化。
      熟能生巧,不熟不做,不要隨便做,慢慢熟習,然後stick on自己最熟和最簡單的那一個策略,這比賽目的是賺錢,非舞劍花的難度。

      刪除
    4. Vanned兄 請移玉步往上望一望我嘅留言, 我應該好簡單咁答咗呢個問題。

      可能會唔清楚但係可以再問我

      刪除
    5. 熟能生巧,不熟不做,不要隨便做,慢慢熟習,然後stick on自己最熟和最簡單的那一個策略,這比賽目的是賺錢,非舞劍花的難度。
      呢個總結得好,最重要係賺錢,其實如果有好既估值方法只係直接買入股票都係大賺,期權有某D好處可以補助。
      好多人誤解左期權就係賭博,其實如果你唔識估值只係買股亦係一種賭博,最重要係如何利用,操作背後既原因先最重要。有D財演會教人係咪都開某D期權,唔考慮價格即係賭博其實,有時係以大博小,有D以小博大。一定要清楚知道做緊咩。

      刪除
    6. Mark兄說得對,所以一定要先了解正股的價值和價格,否則任何交易都是投機。

      刪除
    7. 頭先睇唔到, 多謝Mark兄詳細解答 ;)

      刪除
  6. 巴黎兄 您好~
    請問"股市直播 第1集 (有字幕)"
    標題寫有字幕,但我好像都看不到字幕請問是否設定上有問題呢?
    謝謝

    RY

    回覆刪除
    回覆
    1. RY, 你要按YouTube右下角那「...」,然後開字幕,設定為中文,就可以。

      刪除
  7. 感恩tony兄和cody,小弟真是刚刚想学习如何利用期权降到成本和创造现金流。这类投资手法在港股可能没普遍而且很多期权股的交易量少的可怜除了一些非常热门的股票之外。相反美国市场期权就非常成熟。
    再次多谢cody兄的及时雨。
    希望cody兄下次如果有分享可以利用IB画面教下大家如何下单。因为期权下单方法也很复杂下!

    谢谢

    回覆刪除
    回覆
    1. Kelvin兄, 記住訪問中用到的都是超級傻瓜例子, 純粹係一個範例,絕對唔係必賺例子, 我自己都害怕自己會累死人。

      刪除
    2. 我有幸參予其中,也被啓發不小,因為凖備直播要身體力行關係,做了一些交易也能獲利,感恩。
      若Kelvin兄有什麼不錯策略,也可分享和互相切磋一下。

      刪除
    3. 大家都是成年人,投资买卖当然必须自负甚至应该知道世上没有包赢得。
      而且cody能无私分享已经是很值得鼓励。
      这个期权video里cody 已经多次提示,不要用完那些margin,sell的nake put 就要预了结货的钱。早前我都有用sell put的方法来做买入只是不会加脚来做个保险。做期权的心态应该要很好,必须清楚自己的目标,如要赚取现金流,就不能有觉得错失爆升的那些感觉。假如能够稳稳平均每月2-3的成绩已经是一个很好的回报。当然玩期权的人很多是喜欢那些暴利的感觉。相反cody 是video里就不断提醒大家不要想着一次赚爆而是重复多次的慢慢赚。

      刪除
    4. Kelvin兄,很多投資者不會力行積小成多道理,多數都輸在貪婪。
      或者可以這樣形容,這課是指導如何積極主動地積多小小成多多,把「時間」和「風險」充份利用成收入。

      刪除
  8. 精彩,真精彩,十分感謝Cody兄和巴黎兄詳細既解說。
    現在的我十分努力地學睇財務報表+價值投資分析,希望能加入價值投資成為一員。
    之後就會學期權。
    今次我想問"現時若經紀並無於事前發出相反指令,價內達1.5%或以上的未平倉期權合約便會於到期時被自動行使。"
    想請教一下in the money over 1.5% 的長倉期權是不是只會在到期日當日被自動行使,而唔會係到期日前隨時被自動行使?

    回覆刪除
  9. 多謝曬Victor!

    如果你係首持長倉, 主動權係喺你嗰邊的。
    以上嘅意思係如果你手持嘅長倉已經進入價內,即係有錢賺, 但係你又唔記得行使又或者唔記得賣咗出去賺錢, 如果去到到期日你又唔記得咗, 如果係深入價內超過1.5個percent嘅話,交易所係會幫你自動行駛的。

    你可以想像下如果係深入價內50個percent, 而你又唔記得咗行使。 交易所係好公道的, 會幫你行使咗去買/賣股票, 視乎你手持嘅係認沽期權即係認購期權。

    回覆刪除
    回覆
    1. 想请教下cody,在IB如果手动买入short put+long put。
      和策略器哪里组成一个组合买入是否有分别?

      刪除
    2. 此留言已被作者移除。

      刪除
    3. 一次過一個策略组買入,commission平好多。 但係只有美股期權可以做到。

      港股只能夠逐邊逐邊買, 即係買完一隻腳再買另一隻腳。Commission貴D。

      刪除

      刪除
    4. Cody兄,若你策略中的ATM LC和OTM SC,因正股大升,在到期日時全部是價內,投資者是否可主動選擇只繳付二者相差點數,或仍然要支付一買一賣正股的手續費?

      刪除
    5. 如果兩隻腳都入咗價內, 最好當然係到期之前, 在唔需要付出任何時間值嘅情況底下平咗倉去, 就係最慳錢嘅做法。 但係不幸嘅係, 香港嘅market maker會對已進入價內又就快到期的期權唔肯開價,(注意: ITM or DITM 既期權在到期之前幾天嘅流動性會好低,未必搵到對家), 就算好彩佢肯開價(IB可用RFQ嘅request),*可能*會開一個低價出嚟你同你買。 呢個情況唔同嘅股票期權market maker都會因住自己脾性而做, 有部份好公道,有部分又會好唔公道。 所以如果佢開價開得唔好, 最好嘅選擇可能真係一邊腳被行使, 另一邊嘅腳自己主動行使, 當然咁樣嘅scenario就會要因一買一賣而導致要畀手續費同埋印花稅。 但係冇辦法香港嘅market maker唔係個有盡自己嘅職責。

      刪除
    6. Cody兄,收到,Blog友們要考慮這些成本了。

      刪除
    7. @Cody前輩:
      refer to: 「就算好彩佢肯開價(IB可用RFQ嘅request)」
      請問RFQ是在手機版IB也能做? or 只能在desktop版才能用RFQ以取得較好報價?
      謝謝

      刪除
    8. 以我所知,手機版暫時沒有提供RFQ功能,一些流動性不高的期權(DITM Call),衹能在Desktop版TWS獲得報價。

      刪除
    9. //如果去到到期日你又唔記得咗, 如果係深入價內超過1.5個percent嘅話,交易所係會幫你自動行駛的。

      Cody兄,你的意思是只有深入價內超過1.5%才會自動行使。而如果價內,但超過1.5%便要手動行使嗎?

      謝謝

      刪除
    10. 香港交易所網頁說明得比較清楚:

      https://www.hkex.com.hk/chi/sorc/frontend/stk_opt_faq_3_c.htm

      以上衹是默認的情況, 最後也要看你用的股票期權交易平臺有沒有在這情況時強制行使或者不行使情況。

      刪除
    11. 我也是用IB的。

      謝謝Cody兄回覆!

      刪除
  10. Cody 兄,請客許我係依度問條白痴問題
    如果我有一張long put 388 行使價200蚊
    假設而家388股價係180而我想行使long put
    請問是不是最遲要係決定行使前買入一手388以供行使?
    因為"股票期權行使時則以正股實貨交收(T+2)",而正股也是T+2交收
    所以只要最遲在行使當日買入1手388,便趕得及在T+2交收實貨比short side?

    回覆刪除
    回覆
    1. 當你呢一張認沽期權係今個月到期, 即係仲有大概19日。 佢含有嘅價值係$20 Intrinsic Value, 再加少少時間值, 其實係可以直接喺市場上邊賣返出去, 唔需要一定有貨喺倉,然後行使先賺到錢。

      任何嘅期權-包括股票期權同埋指數期權都係唔需要等到到期先去行使, 係隨時可以喺市場上邊買或者賣返出去的。

      刪除
    2. 再補充多少少……
      當然你都可以選擇主動去行使持有嘅認沽期權, 而你亦講得啱要早兩日預備定啲貨你交收, 但唔好忘記行使期權你係要付出額外嘅洗費, 同埋一買一賣嘅稅項同埋手續費, 所以就算入咗價內都唔一定需要行使,直接賣出去可能係一個比較化算嘅選項。

      刪除
    3. 明白晒,唔該Cody 兄
      只是忽發其想如果想出貨都有心理準備應該要點做

      刪除
  11. 巴黎SIR D收音有問題,改善下

    回覆刪除
    回覆
    1. 收到,因為是港加兩地音入,我在轉Mic in來源時不夠熟手,我下次會更改一下導入音訊來源的方法。

      刪除
    2. 已經比第一次改善了很多! 讚!!

      刪除
    3. Wing Chan兄,多謝支持。

      刪除