沒有壓力下犯的錯⋯⋯談資源股

巴黎：

在看下文前想朋友先清楚，筆者是說過去的幾個月，因為我的錯是發生在幾個月前，我也但願自己買這支股票之前能夠番看我的舊作＂大學沒有教的股票價值投資＂修訂版第210頁，或者是自己Blog內2009年3月4日所出的文＂匯豐的錯與巴菲特的錯＂。

http://parisvalueinvesting.blogspot.hk/2009/03/blog-post_375.html

那篇文我曾以旁觀者角度說巴老買入油公司ConocoPhillips 是一個不應犯的錯誤，因為Benjamin Graham在＂證券分析＂一書中已經使用過石油公司業績和雜貨店公司業績的比較，去解釋以石油公司週期性的盈利P／E計算投資價值，並不能像雜貨公司的代表性高。

任何一間企業唔多唔小一定會受外來情況影響，但價值投資人就係最唔想買太受外來影響的公司，道理是很簡單，當你看完一份年報後，仍然覺得＂還有一件事＂應該要知但未知，咁你為何不放棄它呢。

現在筆者組合中就有兩支資源股是要由＂別人決定＂它們的損益表數字，而呢個别人居然唔係神華和中海油的管理層，如果你做生意，會唔會夾錢下注一間管理層答唔到你咁重要問題的公司呢？

如果自己唔懂，在贏輸面對自己無利情況之下落注，贏了只是幸運，輸了是應該，咁呢個就是賭而唔係投資，賭的東西我係唔識答的，我亦不想自尋煩惱，所以我係唔會再評論資源股的。

最近有朋友好像很有興趣，但我不知點解有咁多distressed 股唔買，係都要想買D自己唔識的石油股。

其實你都見到過去的股神認錯，今年己出清Exxon，亦睇住有高空擲物我走埋去衰左並走左一半隻海油，照計都應該知驚，但如果你咁都唔驚，你較我還利害，我點教你呢：）

買股票目的是想賺錢，而唔係要去挑戰難度，証明自己樣樣皆能，買資源股要走去理埋人地中東、南美、俄羅斯⋯⋯的事，呢D難度咁高既野唔啱我。

你估我真係好得閒：）

PS

筆者收到出版商的第二本著作http://http://parisvalueinvesting.blogspot.hk/2015/08/blog-post.html?m=1

22／8工作坊尚餘唔夠3個位，如果你想聽這個建力士地球史上最成功的380萬倍的網上交易如何改寫筆者的價值投資法，就要馬上報名。