溫哥華有魔力讓人變得漂亮

巴黎：

原來很多Blog友都想我談下溫哥華的點滴，咁啱有朋友給我看一個短片，因此也和大家分享，筆者已經不只一次說溫哥華多靚女，這短片可能解釋到靚人可能真是發自內心的。

以下是一個美國人跑到加拿大和美國做的一個市民對待無家可歸者的實驗。

http://youtu.be/pJsiAz9qCmM

請留意1：15

看了這段影片後筆者感概良多，記得第一天踏進溫哥華前，我亦和大多數人一樣，被教育成認為無家可歸者是自己做成，而剛來到這城市時，未有職業，帶來的錢要預算，鋤開有血有肉，也從來都覺得自己很窮，有大條道理每次無家可歸者趁紅綠燈停車之際走到我車前求碎錢時，叫他們走開。

資本主義，多勞多得是最公平的制度，有勞有得，無勞無得就是了。

但唔知幾時開始，我會停下車把與家人早茶後打包的點心或車上的食物給常常在同一路口的無家可歸者，把褲袋或車內多餘的碎錢給超市門口或路旁的＂他們＂，這個城市就是有一種魔力要你心甘情願地改變。

當全世界的政府在天橋底安裝尖石、公共長櫈安裝鐡支要趕絕他們的時候，溫哥華卻開始在公園的櫈上建一些雨檔，嘗試減輕他們本來每晩上已經極度難捱的一宿。

最不人道的倫敦設計師，無錢入箱咭你屁股，我覺得已經變態兼走火入魔，不如坐霸王櫈就射D箭出來要坐者變箭豬，苯！

大陸＋香港都是如此＂花錢＂去整死無家可歸者，有無想過行車時意外上左去會好危險架，呢D係米叫做損人不利己，設計師有無睇過電影＂死神再來了＂，你唔怕架咩？

全球只有溫哥華咁痴線在長櫈加一個活動雨檔，睇睇下又會覺得本來好似應該係要咁做架喎。

其實想一想又真唔洗做得咁絶，資本主義從來未有得到上帝授權批准，既然現在米已成炊，有錢既人用呢個制度殺曬，已經是制度的得益者，而無家可歸者係呢個制度唔夠玩，佢地都唔煩你，只不過是晚上在你用唔到的地方睡一覺都唔得？

.............

交易方面，換出了彩星、部分工商，換入農行，彩星多得間野不斷回購撑住，相對呢排跌得小，而D息和農行都差左舊，工商和農行就差半厘有多，假如1百萬本，一個收7萬，另一個收6萬5千，你買低息那間，想獲得同樣7萬，本金就要多付7萬7千元才能收回那5千元，呢排隻工商明顯硬過建行，你咁硬就換你，隻87001因為李超人的海濶天空不斷受壓，有8厘幾真係好扺，不過若直接在HSBC轉人民幣買，匯率勁差，以前就話由佢，而家幾舊水我都要同你計清楚，寧願係街對兌了人仔再入現金後至買，希望李生繼續比人插，插到9厘、10厘，等我低價入手支持你。