2015年8月25日星期二

大跌市是交換禮物的時候,業績報告

巴黎:

1)
要殺埋身終於要來,這幾年各國狂印銀紙,做成資產澎漲,筆者一直想一個問題,到底呢種情況會怎麼樣結束,那一些人要為此埋單,點知失驚無神,另一次大震市已經殺埋身。

每逢大跌大升市,就是交換禮物、細細份博大霧的時候(轉股),無它,用大個D的禮物合裝個公仔人地唔覺,分分鐘換到隻卡地亞表番來,星期六既工作坊上不是己説那個真人真事的oneredclip.com故事嗎?換換下就可以用個萬字夾換間獨立屋番來。

8千蚊月薪買林寶堅尼、1萬3千月薪買樓,比起要用個萬字夾換間獨立屋,真係有乜難度呢?

早前用隻華寶換了隻互太,算是最快閃的交換。

2)

今日講番隻川河,業績公佈算是不過不失,川河的收入:
1.2千萬長期投資股息,全年都是一樣Ok和前預計一様;
2.5百萬利息收入,全年約1千萬,OK和前預計一様;
3.其它物業收租55萬,全年約1百萬,OK和前預計一樣;
4.半年聯營公司收租2千7百萬,全年5千4,寫字樓出租86%,商場92%,空置率高做成較預計6千7百萬小了1千3百萬。

其它大致不變,上次預計全年減埋D費用後現金入息8千9百萬,現在就要減少第4項1千3萬=7千6百萬。

呢7千6百萬現金入息中有1千萬是現金利息而來,川河現金有6億4,現市值9億4,即係有3億既市值係用來賺6千6百萬既現金,咁批資產咁便宜賣給你抵唔抵你地自己諗。

有Blog友說川河業績跌Wor,但筆者一路都不把賣樓發展這些收入當入息,只當是送既。假如這些物業出售後賺兩三成,即係撥1/3一1/5唔賣而作為收租用途便唔影響現金,但卻會增加長遠租金現金流。

聯營公司的資產負債表要在川河全年報告才出現,所以間接持有的現金變化了多小暫時唔知道,大家要繼續留意。





26 則留言:

  1. 巴黎兄,有少少好奇,好似川河呢種流通量咁低既股票,究竟你係點買架呢?排盤少成交又少,如果唔想隊高個價分分鐘一個月都買唔到一球貨~

    回覆刪除
    回覆
    1. 跌既時候你一定買到,因為唔可能用一球貨托到個市。

      巴黎

      刪除
    2. 或者吧,但假如連一球也要等明顯跌市才買得足,將來到價轉股的時候,同樣也要等升市才賣得晒,小弟總覺得 liquidity 本身也是價值的一個重要部份,任它再優質,也很難將它在組合的佔比提升。有心買得多,可能要乾脆同葛生傾批股仲化算~

      刪除
    3. 批股不用想,他又不等錢,大陸方是央企,央企是永不會低過NBV賣,更何況是NetNet股。

      巴黎

      刪除
  2. 巴黎兄,講起你近兩篇文章,想問一下一d聯營公司或associate如果冇上市係唔係好難搵到佢既會計報表睇架?

    回覆刪除
    回覆
    1. 川河有公佈聯營公司的資產負債表就好D。其它要好似偵探咁,華寳的"匿名報告"就查到聯營公告業績唔夾。

      巴黎

      巴黎

      刪除
  3. 以前睇曾廣標評川河,話少東有用公司資金炒股的前科,未知會否已經金盤洗手.....

    回覆刪除
    回覆
    1. 現在還有買股票,有幾千萬的盈利我無計。只計佢地的股息收入,因為這方面多年來較穏定。

      巴黎

      刪除
  4. 視野中又多一間好公司!

    回覆刪除
  5. 其實,我不太明白買這些三線地產股?
    講平,二線地產如希慎,折讓同時大,派息亦穩定,又有地域優勢,財表亦簡單易明,過往10年表現亦佳,條數亦可計到,公司及租務透明度又高。

    回覆刪除
    回覆
    1. 提出來旨在引發思考,別無他意。
      講能力圈,會否更易掌握,無聯營,無證券,易考察。
      講透明,講優勢,客戶如蘋果,Victoria Secret,一線化粧。
      可否講出川河優點是希慎比下去?

      刪除
    2. 希慎借了多少錢?

      巴黎

      刪除
    3. 印象年報中,借貸比率很低,可以用健康來形容。
      基本上主要地產股,希慎,信置,新地,長地,借貸不算高。有些更是淨現金,如信置。

      刪除
    4. 資產800億,借貸60億。
      並且一讚,資本管理不錯,長短借配置。

      刪除
    5. #14
      - 於2015年6月30日,集團持有現金及銀行結存(包括定期存款)為36﹒02億元;債務總額為58﹒25億元;淨債務與股東權益比率減至3﹒2%(2014年12月31日:4﹒2%),淨利息償付率為20﹒3倍(2014年:15﹒4倍)。


      #281
      - 於2014年12月31日,集團之現金及現金等價值項目6﹒88億元,並無借貸;流動比率為7﹒16倍(2013年:6﹒6倍),資本負債比率(即負債總額對股東應佔權益比率)為9﹒6%(2013年:9﹒2%)。

      from ETNET

      刪除
    6. 多謝資料!
      這又回到現金多的好,抑或利用現金成穩健投資好。

      刪除
    7. #14, YoY 2014 with #281,

      - 於2014年12月31日,集團持有現金和銀行結存36﹒4億元;未償還債務總額為64﹒57億元;淨債務與股東權益比率由5﹒3%下降至4﹒2%,淨利息償付率為17﹒1倍(2013年:15﹒4倍)。

      from ETNET

      刪除
  6. 金利來,不知不覺在跌市中去到一個蠻吸引的位置。

    -小新的文

    回覆刪除
  7. 感覺303 跟1382很相似,都是好公司,但前者仲未夠平

    Lkc

    回覆刪除