2015年8月21日星期五

緣份聚散

巴黎:

忍左成個星期唔出聲,要說的始終要説,同時也不想有Blog友產生誤會。

如果有人曾被筆者刪走的話,請到止凡兄那裡登記(麻煩了止凡兄做個獨立方,非常抱歉),因為直到今天為止,我只刪了一位恭喜我輸錢的匿名君的一個回應,另一位也是在唱和的匿名君。而不幸也刪除了試圖阻止這兩個留言的承接的朋友的回應。

至於給google自動刪減了過長的"老人家"(你還有多小個網名?)的回應,筆者不打算像平常重貼Google自動刪朋友的方法貼出來,因為老人家不是提醒,是一堆邏輯混亂的指控。

事實我非常重視朋友的提醒,因為我只是常人,犯錯是小不免,犯錯會令我蝕錢,提醒會令我減少蝕錢,邊有人會咁蠢唔接受別人提醒。

但請老人家不要在不引文、不給數據資料之下,一副你應該知道自己錯在那的態度去提醒我。

呢D一般來說會被歸入流言、幻想和空談,我係唔會理和上心,但有些Blog友可能因此反感而對閣下作些爭議回撃,我是不想出現在討論內,事實請你看看大家都是一直想討論華寳隻野"可能"的騙術,而你卻是在玩針對。

不要引偉哥兄那一篇沒有資料的證據當是證據。如果我説你亂引文會令人以為我在罵偉哥的誤會,老人家做人咁耐都唔明嗎?

價值投資法從來都是買大細,我們賭的是賠率,這並非筆者創作,而是Ben Graham説的(輪盆論),芒格也以賽馬賠率和負重比喻過,不要假裝你曾是我Fans,因為我己多次引過,將來我也會。

同時我從來都在市場,在市況低潮為甚,你自己唔見人,唔好以為無人,在我Blog的右下角有個Time archive,按一下去看吧。

我喜愛到有份量的Blog內偷料,自己長氣、直率,怕煩到別人所以很少留言,但不代表個人不感謝Blog主免費提供有用的資訊,見賢思齊,心意相通,固此也寫下自己的發現就當你來我也往。

寫Blog的人誰無錯和無大意、無情緒呢?用不著一副你好自為之的態度?你自己又對華寶做了多少分析呢?

各個Blog主有他自己的故事、工作背景,有D地方為了私隱點到即止唔寫落去,固引起大家有不同看法都是正常,啱既就攞去,唔啱就跳過,呢D是睇Blog的基本規擧。

其實對你的回應是非常浪費時間,我己蝕了今天原本一個美好的早上。

有些人是不打不相識,有些就是無緣份,人來人往,紛紛擾擾,我唔會對你失望,你也不需要。

希望閣下珍惜自己每秒在更搵錢事情上,Happy Investing to you!









61 則留言:

  1. 巴黎兄﹐唔好浪費時間理會別人的說話了

    現在個市周街平貨﹐ 我都忙於落盤﹐ 留返時間睇今個月嘅業績報告吧!

    回覆刪除
    回覆
    1. 是的,現在是轉股的好時機,不過真係要選擇D熟悉既,唔係好易添煩添亂。

      巴黎

      刪除
  2. 世界上乜人都有,巴黎兄下下氣。

    回覆刪除
    回覆
    1. 我都一把年紀,唔會啦,不理就是。

      巴黎

      刪除
  3. 做中間人無問題。

    大家平常心,我常會想,還原基本步,寫blog看blog,為了什麼?為求大家一起成長,一起進步,這比起證明對方錯誤更有意義。

    回覆刪除
    回覆
    1. 止凡兄,你説的是正是很直接和求進歩的目的。

      巴黎

      刪除
  4. 我估呢班人好期待股市友輸錢, 佢地一係就唔投資, 一係就買左非股票類0既野.
    早排股市升, 咪眼紅LAW!

    真係機會又來了!

    回覆刪除
    回覆
    1. 70後兄的推算有道理。

      巴黎

      刪除
    2. 老人家來來去去都係開blog唔寫blog只是死叫人買金個件女王八!基輝

      刪除
    3. 我點得閒去理別人的事,自己大把野要做。

      巴黎

      刪除
  5. 這裡有太多好的留言,巴黎兄將注意力放在它們上面就好;那些莫名其妙的留言,巴黎兄無視/刪除吧。

    回覆刪除
    回覆
    1. 是的,一個好回應已經很重要。

      巴黎

      刪除
  6. 不要理那些無謂人了,你估我好得閒?

    回覆刪除
  7. I think this is an interesting time. The market is in a mess and funds are probably suffering some redemption pressure. So we can 1) test our ability to stay calm when the others are shitting and 2) buy(or shift to) quality businesses with better upside when some stocks are "mis-sold" or "forced sold" for various reasons. We actually should be excited as this is a good time for personal growth on both 1) mental and 2) financial level.

    Haha.

    回覆刪除
    回覆
    1. 正是,呢個並唔係哭喪、驚、爭辯的時間,
      而是下決定時刻。

      與Mike兄互勉

      巴黎

      刪除
  8. 每人都會買錯投錯,平常,股神亦一樣,你的反應讓我覺你是上心,你的EQ看來不算很高。
    我尊重任何評估股份的方法,你愛數據,沒任何問題,但任何估值方法亦有盲點。
    你講機率的,以往價值投資從財表著手,看優看平,選10隻,有2隻有問題,有8隻跑出,這是一個方法。
    我愛Buy&Hold,當然這策略是有一些前提,最好找些永遠不用沽,它們有些特點,確實可找到,當然有時會失手。
    我強調價值投資不斷會微調,股神很強調長遠的競爭優勢,強調濕長坡。
    你發現股份內幕取巧,我投資多年,亦有些心得怎樣避免選到,其實不難,你只要代入角色,怎樣企業會不發展,常想出術,它們肯定有些特徵,所以我喜綜合產品企業其他因素。

    回覆刪除
    回覆
    1. 有些人天生叻,好似你呢類,我呢類只是普通人,所以要求你比D耐性囉。

      巴黎

      刪除
    2. 不好分比此,大家都是普通人。
      不過透過分享將不同思維撞擊。
      無人懂所有東西,交流一下,總有些得著。

      刪除
  9. 巴黎兄, d人黎找渣, 睬佢都無謂啦。咪睇下到時邊個潮脹潮退之後仲企係到。你既分析有理據有數據, 人地只係唔負責咁掉一句出黎。要睇乜相信依到大家都明既。

    回覆刪除
    回覆
    1. 其實買股票的對手係自己,有時一個人諗的確是係會易打困籠,別人提下的確係好D,當時最終決定都是自己。

      巴黎

      刪除
  10. 實話實說,大家有資訊交流,勝過一人單挑大樑。劉仔

    回覆刪除
  11. 我自己諗投資唔難

    便宜格價,買入,持有,(變質, 價格大於價值,有更好機會)沽出。

    早一至二星期已放出大部分股票,到價格跌至更吸引時再買入(同一股票)

    也許我認知的不是最好,但總好過見風使舵,不斷空口批評的人。

    回覆刪除
    回覆
    1. 你的也是對,今次也有另一教訓是不要為分散而分散,選熟悉的股票,幸好堅守新買入不超2%原則。

      巴黎

      刪除
    2. Thx Tony,

      有時我會睇大市是否跌,如跌,同一股票會先放後買。

      刪除
    3. 主要是價值投資法

      投機為副。

      刪除
    4. 黎緊跟大師博巴黎兄學野,打好基本功。

      現在有一手長和0001 2手農行H 3手半中行H(月供中)

      刪除
    5. 有目的是件好事,能推動個人努力向前,加油!

      巴黎

      刪除
    6. 但要跟你學習,我的概念都會錯。

      刪除
    7. 錯係正常,上帝做人其實係無一個叫"錯"的字,只有過程。如果你能這樣看,便明白玩投資遊戲唯一要恐懼的正是"恐懼錯誤"的本身。只要像賊佬買沙煲逐小逐小去實驗你的理想,把一些成功的經驗擴大和失敗的教訓縮小就是了,股神講過,他很開心自己因為犯錯才需要起床,只有死人才不犯錯。當然什麼也不做好似條死左既咸魚咁都係唔會錯。

      巴黎

      刪除
  12. 睇化d啦,口同手都係生係人地度,無辦法去控制。
    你可以做的野好似之前今,中立地發表意見和股評,大把人支持你!

    回覆刪除
    回覆
    1. 其實我唔係股評家,只係自己組合的分析。

      巴黎

      刪除
  13. no angry, support u, happy investing as well !

    回覆刪除
  14. 巴黎兄,關於呢一類"流"言~~香討大把,呢個世界投資嘅人好多,但鐘意睇人仆街嘅仲多,所以都係專注你最在行嘅同志同道合嘅人分享就夠㗎喇!我投資冇你及各位師兄咁叻,所以我仲要偷師㗎。

    回覆刪除
    回覆
    1. DW,應負這些朋友辛苦過應負大跌市。
      我也不想行到這步, 我己先叫朋友不要買,再 認衰了出篇文叫沽也不滿意,真係唔多明佢仲想點,可能見我唔死撑無野玩掛。

      巴黎

      刪除
    2. 見到佢哋死咬住唔放,係幾令人氣憤,我估佢哋有咁嘅反應係~~妒忌,呢個社會並唔係個個都替日鼓掌,因過往你太突出,好易招惹到呢類人;但反轉來睇都值得開心嘅,因為~~"不招人妒是庸才"嘛。

      刪除
    3. 忘記他吧,呢幾日會好唔得閒做野。

      巴黎

      刪除
  15. 平時都是睇多少留言, 今次都留言支持巴黎先生, 你都是純分享自己的分析及見解, 但有些人總喜歡見別人錯誤時就多加批評, 無謂上心, 個BLOG係你的, 既然有刪除功能, 無謂的留言刪除又如何! 希望你繼續努力, 大家一齊happy investing.

    回覆刪除
    回覆
    1. 其實要查匿名者係誰很容易,但我不想。
      當日超大我可能固執地得罪了很多fan 屎,現在只想隨它而去,快樂地投資。

      巴黎

      刪除
    2. 唔可以怪巴黎兄, 你寫自己想買既股票, 睇既人自己唔分析, 輸左怪得邊個? 成功既人會得到教訓, 就算其他人話隻股幾好, 自己都要做due d。失敗既人只會覺得好憎俾錯no. 佢既人。

      刪除
    3. 股票市場是很易令人產生恐懼、自責和仇恨。所以我常常提自己,別人賺錢是別人本事,別人輸錢也唔関我事,尊重任何你未必認同的對手,就是最尊重自己。

      巴黎

      刪除
  16. 嘩,睇個subject 嚇親,我以為你想摺左個 blog 添,好彩唔係,哈哈。唔好勞氣,有好多人係真既唔抵得嘛,無佢地符。就算真係睇錯,補左鑊咪OK囉,輸得起,唔羡慕得咁多。

    回覆刪除
    回覆
    1. 我都想好似臺灣的Allan兄咁,揮一揮衣袖。
      不過分析還是幾好玩,好似祝迷藏咁,猜中有獎。

      巴黎

      刪除
  17. 我都是第一次留言支持,多謝巴黎兄一路以來無私的分享!請巴黎兄不要動氣,好傷身的!

    回覆刪除
    回覆
    1. 如果我真係動氣就儍。
      估唔到今次因禍得福,多左咁多朋友浮出水面,哈哈。

      巴黎

      刪除
  18. 道不同不相為謀,巴黎兄不要氣難消哦。

    回覆刪除
    回覆
    1. 唔會,現在我腦入面已經唔得閒,諗緊下星期買乜了。

      巴黎

      刪除
    2. 有好野通知聲唔該。^_^

      刪除
  19. 巴黎兄,有建議性嘅討論便一起研究吓,對於突登嚟找渣的,delete 咗佢就算吧!我睇呢個blog獲益良多!唔好理D麻煩人!我哋支持你!

    回覆刪除
    回覆
    1. 我諗呢個舊朋友都是一時之氣,佢應該唔會再嘈,我知佢仍然有睇我的文,讓時間慢慢證明吧。

      巴黎

      刪除
  20. 巴黎兄 你咁多好文章佢唔睇 ,只是一個少少錯誤就發大黎講, 同佢講野只會浪費時間 ,沒有得著 ignore 佢啦!! 支持你

    回覆刪除
    回覆
    1. 呢個舊朋友其實都係好勤奮上進值得嘉許,但唔知點解就是和價值法無緣,一直都以一些投機客作佢個人的偶像,即使把所有事實程在他眼前,也因為個人的情緒而選擇性判斷。例如他不會客觀分析點解我犯了一個佢唔犯的錯,但我組合的回報仍能跑勝大市而佢不能,那不就客觀證明市場犯的錯多於我的嗎?
      其實只要任何人做曬我做對的事而唔做我犯錯的已經叻過我,而以單一事情否定我全部只會令佢離開個羸家方法越遠。

      巴黎

      巴黎

      刪除
  21. 每逢大跌市實有D牛鬼蛇神出黎搞事.... 支持巴黎兄!

    回覆刪除
    回覆
    1. 大跌市應該係先顧掂自己,共勉之!

      巴黎

      刪除
  22. 多謝巴黎兄的分享,要繼續保持好心態,不要給無謂的留言影響心情噢。
    你覺得SHOS和RELL這兩個net net 股如何?

    Tony

    回覆刪除
    回覆
    1. 呢D事情一兩天就過,我會好專重市場上的對手。
      你説的兩隻也無無盈利,我不懂如何買。

      巴黎

      刪除