2015年5月19日星期二

好緊張,又到出花紅月

巴黎:

止凡兄設定買入每支股的派息達至一個月薪水的目標,筆者認為原則簡直天衣無逢。

一來提醒朋友要分散至少十二支股票,二來呢十二支股票派出來的息,可以一路路疊上去,買十三支、十四、十五…。如是者一年來出既糧的月數,就會越來越多。

自從上年尾由溢價A轉到折讓價既H股後,今年將會現斗斗收多了成10%的股息,筆者突然發現,若每次派完息後,股價可以大大大跌,咁收到的現金息便能夠買到更多數量的原股票,下次派息就會更加多,這不就能加快以收息過活的目標嗎?

這個想法真有點相逢恨晚,以前唔注意派息,又日日望股價升,其實是好老襯,自己搵自己笨,股價升了又唔能夠咬一啖,反而現在無論巿場多麼風雨飄搖,一想起下個月會收N舊銀紙,即刻成個心踏實曬。

寫到呢度,又想起改變筆者投資方向的台灣朋友Allan Lin兄的「現金流」投資原則,心裏非常感恩。

第一次看到其部格的Rocketfeller名句:
「每次有股息進入便讓我快樂」馬上如遭電撃,如雷灌頂,因為此話真不假。

錢並非萬能,但若果有足夠現金入息應負到家庭每個月的日常開支,咁家人就能安心,家就充滿幸福感。

再配合止凡兄的第十三、四…個月一路路加上去的原則,咁跌市就無乜好擔心,因為每次跌就代表可增加派息比例,即向前又邁進一歩。

筆者下個月就出糧,一出就差不多一年,心情既緊張又覺幸福!

價值投資真係萬歲!

50 則留言:

  1. 十二支股票分佈在十二個月, 每月都有糧出, 更绝。

    回覆刪除
    回覆
    1. 呡個係最理想,任何一個月跌都可以爭持,絶!

      巴黎

      刪除
  2. 回覆
    1. 都是多得Blog友的互相提點。

      巴黎

      刪除
  3. 派息暫時只能當兼職人工!

    回覆刪除
    回覆
    1. 無相干,
      這個是雪球,會越轉越大。

      巴黎

      刪除
  4. 我自己體會係,如果你有10隻股,每隻每年派10蚊,分散不同月份,係開心過有一隻股,每年派100蚊的。可能人係想不勞而獲的,每次見到持股公佈業績,話派幾多幾多息,心入面就不其然笑出來。

    我倉規模小,有的以股代息唔使搞,有的派息唔夠買一手,唔緊要,通常我會合埋買其他,或自己死慳死抵,加多d買其他,當有折買股,也是快事。

    回覆刪除
    回覆
    1. 分散12個月是最理想的,但可遇不可求。
      你的反應就是Rockerfellar說的吧,相信每個人都會是這樣。

      以股代息也是不錯選擇。

      巴黎

      刪除
  5. 今次真係出好大份糧……,謝謝巴黎兄指點,價值投資萬歲!yeah! 另外買唔夠貨係6/6.25附近 sell 咗啲put, 行使唔到又當收息,個個月息權兼收!yeah!

    回覆刪除
    回覆
    1. 盧山兄的以Sell put控制不高追股價,
      和70後兄以Sell cover call控制高沽貨不貪心。

      倆者都能邊收息,邊以價值去投資,妙!

      巴黎

      刪除
    2. 尼個我仲沒睇得明,sell put

      刪除
    3. 睇唔明唔重要,揸實股一樣0k。
      巴黎

      刪除
  6. 這概念絕不難明,而且方向更清晰噢。

    回覆刪除
    回覆
    1. 再配合高轉走,低轉入真係無敵!
      巴黎

      刪除
  7. 謝謝巴黎兄分享!

    但初出芧蘆者本不多, 又心紅,好難做到巴黎兄所述的做法.

    最後只有炒炒賣賣了~

    回覆刪除
  8. 而家派息已多過退休前人工,目標是超過自己及太太份人工,大家努力!

    K

    回覆刪除
    回覆
    1. 嘩,K兄打孖上,利害利害!

      巴黎

      刪除
  9. 巴黎兄, 明天除淨, 樣衰比人行使左一半, 出少一半糧了~~~ 哈哈~

    回覆刪除
    回覆
    1. 點會,70後兄即刻沽張小5亳既put,一樣有息收,分分鈡賺多次停買高賣。

      巴黎

      刪除
    2. 佢收市先行使,沽唔切架。明天已經除左淨,所有權金已不含股息,只有時間值。
      反而同價PUT就有可能追番少少。

      刪除
    3. sell同價put其實就等同sell cover at the money call。
      70後兄愛sell cover call,心理上完全有能力承擔,也是好方法。

      巴黎

      刪除
    4. 因股票期權買賣差價大,同埋今次有除息效應,所以若做SHORT PUT,只能當為"另一鋪",股息都係蝕。
      今日反手換貨,入建行再SHORT CALL,佢下個月除淨,又睇下會否被人行使。

      刪除
    5. 70後兄,比人行使聽就好似唔好,但卻賺大舊息兼差價,咁都叫樣衰,那無乜人會好樣。

      巴黎

      刪除
  10. 回覆
    1. 我睇見勁贏兄隻恆大D既勁重口味股息,口水流到成地!

      互勉之!

      巴黎

      刪除
  11. 巴黎兄,
    我看見你的組合一般都會有20%的借貸比率,你這個比率會根據貸款的息率以調整嗎?
    80後投資人

    回覆刪除
    回覆
    1. 貸款息低是唯一的原因,如果貴的話,一蚊也不會借。
      巴黎

      刪除
  12. 回覆
    1. 用呢個原則唔會死人!

      巴黎

      刪除
  13. 瑞典有一位年輕的博客,他做了一個網頁,專門給公司派息使用,可惜沒有香港的公司。但是,美國與加拿大最完整,這兩個國家的公司都是一年派息4次,你只要把鼠標指向一家公司,馬上便出現另外3個月派息的月份。你只要投資分佈在網頁所提供的不同月份派息的公司上,那就一年中每一個月都有派息。假如派息多於你的月薪很多,那就已經是財務自由了。
    http://www.dollarkursen.com/usa.html
    http://www.dollarkursen.com/kanada.html
    以前在巴黎兄的博客介紹過Brookfield Asset Management Inc.,股票代號是BAM,把鼠標放在2月份的BAM上,馬上就會呈現5月,8月和11月也派息。很好用。雖然月份是瑞典文,不過也不難猜。

    回覆刪除
    回覆
    1. 謝謝Ch Liu的好介紹,如果中港股也有這些資產就好了。也祝各弟兄個雪球越滾越大,一個個月加上去。巴黎

      刪除
    2. 我覺得Brookfield Asset Management Inc有些像長江基建(hkg 1038), 其實長江基建也不錯, 上市以來, 每年派息也增加, 股價也慢慢上升. 可能下次買入的好時機, 就是當息口上升, 令其股價下跌時. 很多謝ch liu, 他(她)的知訊很有用.

      刪除
  14. 瑞典文的Aktieutdelningskalender就是英文的Dividend Calendar。

    回覆刪除
  15. 中文就是股票派息月曆。

    回覆刪除
  16. good,,
    我6,7月股票出花紅,,
    8月我工作出花紅,,
    黎緊又再可以增持了,,
    努力,,互勉之...
    cleverpeople...

    回覆刪除
    回覆
    1. 恭喜三嚮炮,要Yeah Yeah Yeah三次!

      巴黎

      刪除
  17. 巴黎兄可以考慮下每月派息既基金
    http://www.fundsupermart.com.hk/hk/main/fundinfo/viewFund.svdo?sedolnumber=HKAGI032#
    例如呢隻現時年化率9厘左右 每月派0.075美仙 可以配合高息股做到每個月都有額外人工同每年數次花紅效果

    回覆刪除
    回覆
    1. 利大本無歸,那些利息無盈利現金流支持,是在大脾肉割出來,主動型基金不是我杯茶。

      巴黎

      刪除
    2. 形容得好中肯,那些要割大脾肉來左手交右手的高息股,,四葉一開首買高息股第一考慮就要栅除這種股,以避免"利大本無歸"....哈哈哈

      刪除
  18. Paris 兄, 小弟剛開始翻閱閣下文章, 非常引人入胜, 小弟剛開始學價值投資, 想請問可否再分享多一點有關以上股息投資法的實際操作技巧? 感謝!

    Tom Kan

    回覆刪除
    回覆
    1. Tom Kan, 歡迎閣下的到來,只要繼續留意本欄就可以。

      巴黎

      刪除
  19. 巴黎兄真利害!可恨我有小朋友後先驚覺投資嘅重要,暫時全年收花紅都未到100k,要加倍努力嘞......

    回覆刪除
    回覆
    1. 有心晤怕遲,我會出多一篇文章談如何可加快100k的雪球轉動,留意。

      巴黎

      刪除
    2. 嘩!非常感謝,期待。

      刪除