巴菲特教你如何評估Ai 大型模型的資本開支

股神為了一時之氣，買入了一間叫Berkshire Hathaway的紡織廠，並苦苦經營。有一日經理興高彩烈向巴菲特報告，他發現了一批好勁丶超級新式織布機，可以大副改善以往的生產方式，並大額降低生產成本。

 

一般老闆會好開心，馬上落單買新機。

 

但巴菲特諗：就算我買咗呢啲機，所有其他紡織廠都可以買一模一樣嘅機。

冇人會得到長期優勢；大家一齊加大資本支出，最後都只係互相鬥平。就算被你賺多了錢，仍然逃不開要再投入去買更新嘅機器，永遠走唔出呢個循環，最後發達的只有機器製造廠

 

所以佢話：如果買新機先可以生存，咁最好就唔好繼續做呢盤生意。

 

呢個就係佢講嘅「資本支出陷阱」：一啲商品型行業，你唔投錢就死；投錢，只係苟延殘喘，賺唔到自由現金流去做其他更好嘅投資，最後佢喺 1985 年索性關掉紡織廠。