巴黎的價值投資

2015年9月10日星期四

價值投資班第四班開始報名

巴黎：

不經不覺，第一至三班，每班共十五課的價值投資班己步入尾聲，第一班亦已在今天晚上結束, 一個價值投資班，在無心插柳之下居然可以辨了三班，大家放工後已經很疲倦，但每堂仍坐足人數,同學們的熱烈反應，令我非常感恩。

我一直擔心，會否有很多抱著搵快錢的朋友來上堂而被那些冧巴問得啞口無言，但非常幸運，差不多所有同學都不是懷著賺快錢的心態，而是誠心地希望能進入價值投資這個領域，不再做投資市場的田雞。

我在堂上分享了自己過去一些看我網誌Blog友的經驗，比如有一個朋友在海嘯年聽到財演而賤價賣出匯控，後來卻學了價值投資法單靠股息退休，另一個大學生受了感染後進入價值投資基金行業並以此作為終身事業.....，這些事情非常令人欣慰。我也相信，這三班的同學將來必有更了不起的價值投資人。

如果旨意筆者的所有知識，相信同學的成就會有限，所以我選擇充當啓蒙者而不是一個下下留一手的傳統中國師傅，我展示給同學他自己可能從未思考過的價值投資角度, 而目標只有一個：

-- 打開同學封了麈的投資獨立思考能力--

唯有這樣, 同學投資智慧才能以幾何級數上升.

在班上我看到有同學聽到某些投資介紹和理論時雙眼發出光芒，像發現新大陸, 原來世界上是有一些咁簡單又無懈可擊的投資，原來他自己是有能力去了解並發現美妙的投資。

例如談到高息債時以高息的REIT比喻它的優勢，如果同學能看看現在多隻高息8－10厘的REIT，老實說，持有它們十年八載，年年生金，一步步增長，股價的升升跌跌根本就可以無需理會.

但最重要是同學已經知道如何計算它們的内在價值和背後的簡單道理.

如果你想了解巴菲特, 謝清海....還有所有的出名的價值投資高手為何會長期戰勝市場, 想有他們的投資思考能力, 這裡有一個機會:

全港第一個價值投資班第四班

10月班, 16/10, 23/10& 6／11星期五晚上7:30-10:00 共三堂

費用：24／9前早起鳥報名折扣價$980，之後為$1150

課程：3堂15課，深入淺出

報名方法:24/9前存入$980.?？，或之後$1150.?? 匯豐銀行戶口：606-000-602-888 Law Kin Cheong ，並whatsapp收條、你的名字和投資經驗年期至65655883。小數金額後的??為方便辨認出閣下的入數，例如閣下可隨意入980.12或1150.33等等。

地點：灣仔區小童群益會607室

2015年9月4日星期五

內在價值計算器

巴黎：

之前自己不嬲有個三輪車版的內在價值計算器單車版，不過為左課堂既新手同學，無理由要佢用心算兼轉幾次，於是從新做個速食版。

筆者是用放大鏡按巴菲特囗嗡的內在值定義做，既然巴老話債券和股票內在值計法一樣，咁呢個計算機就一樣可以計到債券價，入三幾粒數就馬上計到內在價值、現價回報率和安全邊際，用來比較股票平貴，又幾好洗好用。

入幾粒數就計到莎莎的內在價值，乜去到5個幾就是已經和債息3％打平，之前炒上8蚊幾的人真係儍的嗎？

不過現價3．12的回報率又唔差得曬。

有同學馬上用黎計下現價恆指20840的複利回報率大概是8．47％，及有32％安全邊際，

咁真係好抵囉，至少呢個計法全部有根有據，唔係斷估無痛苦，因為係同學自己既努力，我就不便cap圖口嗡算。

2015年8月28日星期五

三日兩夜⋯⋯溫哥華

巴黎：

最近在無線J2發現3日兩夜旅遊節目，一連兩集由溫哥華土生靚女麥美恩介紹當地，麥美恩活潑爽朗，人靚聲甜，睇起上來，賞心悅目，尤其佢介紹了呢個開左唔係好耐的Squamish 的靚景，我也未去過，嘩！我的天，難怪麥小姐話：＂無得輸的美景!！＂，下次回加，一定要沿著那條去威士拿的Sea to sky highway 殺入去中途的Squamish。呢條公路出名靚，但你揸車就要小心，因為揸揸下你真係以為自己從個海奔向個天咁靚。

自從筆者年青時去過非洲毛里求斯一個半天吊在懸涯山谷上的餐廳吃過一次午飯，就深深被當日的景色吸引，一直都希望自己能有一間獨立屋的後園是如此美景，雖然我極度畏髙，但我仍然會願意每天早上，走出這個平台上感受大自然是如何值得我們敬畏，人生如何的苦短，要如何去找緊當下的每一天，晚上回家在這平台上，如何看著日落洗滌每天的煩囂，感恩每天值得感謝的人與事，這才是筆者嚮往的自由。

講是很難形容，朋友千萬要到MyTV看第53和54集。

筆者曾經有段時間住過北溫哥華，家的背後就是853米高的Grouse Mountain ，2千8百多級非常出名的Grouse Grind可到達山頂，難度是8．5級，估唔活潑的麥美恩咁有意志力可以撐到上山頂，你地見到D石級會覺得乜咁爛，但當地人就是喜愛無乜人工化的天然環境。

由山頂向下落去附近有一條Capilano 吊橋，230尺下就是Capilano River，吊橋的特色就是不停震震下兼差不多全透，我第一次行直頭驚到連腳都舉唔起拖住行，我班六、七歲外甥卻走來走去，衰曬。

唔知大家記唔記得呢度，就係上次那隻貓小姐玩的地方False Creek，我每天都會從屋企樓下一路沿呢條路行去最出名的Granville Island ，順便一說，以前溫哥華唔係叫Vancouver 而是叫Granville ，呢頭全部是舊工廠，攪下攪下就攪到咁靚，你地睇，呢度唔會好似最近尖東海旁的酒店個搞舊野插正係條路，阻曬成個View。

比你住呢十萬蚊一呎靚景有乜用，你落到街D人用仇視眼光恨你幢大廈阻住曬，但係在False Creek你落街就可以隨時和坐在蹬上的陌生人談天，甚至乎喝咖啡，呢D快樂又值幾多錢呢？

從Granville Island 行行下就會來到我屋企樓下間＂番鬼佬酒樓＂，真係我地樓下，因為晚上實在太多人，要5、6點上下攞冧巴，佢地比舊野你，到時到候就嚮，係樓上接收就無問題，但閒閒地等幾小時。佢入面真係好鬼大兼有兩層，兩層都爆咁利害，最近還想擴大到公眾露天，我地居民梗唔制反對，不過若果有股票我買左就唔同，哈哈。但入到去千萬要淨飲唔好叫野食，因為D野真係好鬼難食，想識女仔或男仔就無辦法。