不信價值投資法與不懂價值投資法

巴黎：

據聞一旦進入價值投資法的投資人，沒有一個會回頭使用其它的投資法，曹生是例外嗎？如果看完他這篇文的朋友，會覺得他很有道理，不過以巴黎所知，曹生根本不知真正的價值投資法是什麼，巴黎會再在尾部份解釋。

曹仁超：唔再信價值投資法（嗚謝：楓葉資料室Blog)

發表日期：2008－9－10

畢非德（巴菲特）過去成功嘅
方法係買入平股等候佢地成長嘅理論已全面受到質疑！因為依家電腦咁普及，資訊咁平（接近免
費），價值投資者仲有乜真知灼見？相信買入後持有嘅策略者去年10月至今損失慘重。

信趨勢好過

過去十個月係價值投資法嘅重災區，好似Davis
Advisors去年購入Ambac，後者至
今回落95％；Legg Mason Value Fund揀咗K B Home及Centex，
今年3月雖已止蝕，仍要蝕2.15億美元，呢個基金今年下跌28％；Third Avenue Value
Fund因揀咗MBIA，令基金跌價16％。仲有美林、花旗、房利美及房貸美等。只要買入任何一隻，損失都會
好大。

本港基金揀錯股而招至損失嘅亦有好多。我老曹1974年經歷和記一役後，對價值投資法早已冇晒信心。當
年我老曹將和記年報睇完又睇，先決定由每股7元開始買D，一直至2元，一共買咗十萬股，用晒手上嗰50萬
元資金；最後和記股價跌落1元。1975年呢間公司宣布，有一間叫Alltrack嘅公司喺印尼經營出租Caterpillar建築用機械業務蝕咗3000萬
美元，要滙豐注資1.5億港元挽救。印尼Alltrack公司係和記旗下三百多間子公司之一，呢間公司資產負債表亦
冇喺年報刊出！叫一般投資者事前點知一間小小嘅子公司竟可整死成個和記集團。從今以後我老曹再唔信上市公司年報，改為相信趨勢。因為一粒老鼠屎可將一煲靚
湯完全毀掉；喺未出事前，有邊個會留意呢粒老鼠屎？價值投資法實在有太多漏洞，點去叫人信？過去十個月係價值投資法信徒嘅大災難（中外都係咁）。

成為「策略投資者」

1997年起我老曹已放棄價值投資法（Value Investing），理由係咁多大行研究，自己仲有乜真知灼見？因此唔再相
信Buy and hold策略。其後漸漸相信動力投資法（Momentum Investing），背後理念係相對強勢（Relative Strength）便擇肥而食。當金價跑贏股市、當資
源股跑贏大市時，只買強勢項目（外國叫牛眼投資法）。2006年6月起內地A股轉弱為強，便投資紅籌、國企；2007年10月內地A股轉強為弱，便放棄紅籌、國企。賺快錢唔賺慢錢，賺大錢唔賺小錢（Fast and big, not slow and small），賺錢速度太慢及太小，寧可唔賺。賺快
錢及賺大錢嘅力量來自知識與分析，when to buy, what to
buy, How much to risk, when to sell.（何時買入、買什麼、風險多大、何時沽出。）如今我老曹已成
為「策略投資者」。

巴黎一直看不起不問蒼生問鬼神的這類反智行為，踫巧曹生卻常常吹噓"寧願信勢唔要智慧"，我就無可避免會大力說其方法愚蠢。

不要誤會巴黎不相信天外有天，我只是說「不知生、那知死」，投資人應先學懂最起碼的基本事情，然後才想其它的事情。而99.9%的價值投資人最後發覺，只是一個最基本價值研究的工作，也窮其一生的精力，但也足令到他致大富了，至於鬼神的方法(不問理由的圖表、趨勢)，就把它升上神台，「敬而遠之」吧！

Graham在投資與投機篇有說：「
投資是一個操作，只是單一隻的股票買賣，不是投資。投資是要確保運氣不在時，其組合仍然能跑勝其它人，所以透過分散的方法是非常重要，就如玩輪盆，即使只有36個數字，透過價值投資法，你能夠令莊家1賠38而非1賠34，取得長期優勢，但你只孤注一擇，你的優勢將盪然無存。」

因此，可以肯定說，曹生沒有看過原裝Graham的書，或者沒有讀透，或者是失憶了，就硬充說曾經是價值投資派。