股神年輕的時候因一時之氣，買入了一間叫Berkshire Hathaway的紡織廠，並苦苦經營。有一日經理興高彩烈向巴菲特報告，他發現了一批好勁丶超級新式織布機，可以大副改善以往的生產方式，並大額降低生產成本。
一般老闆會好開心認為可以改善工廠的賺錢能力，並會馬上落單買新機。
但股神就是不同普通老闆，巴菲特諗：就算我買咗呢啲所謂最先進機器，其他紡織廠對手都可以買一模一樣嘅機。大家一齊加大資本支出，沒有人能得到長期獨有的優勢；去到尾還是要互相鬥平。而就算被你賺到了錢，仍然逃不開要再投入去買更新的機器，永遠走唔出呢個循環，而真正發達的就只有機器製造廠。
所以佢話：如果買新機先可以生存，咁最好就唔好繼續做呢盤生意。
呢個就係佢講嘅「資本支出陷阱」：一啲商品型行業，你唔投錢就死；投錢，只係苟延殘喘，賺唔到自由現金流去做其他更好嘅投資，最後佢喺 1985 年索性關掉紡織廠。
商品型企業有以下特徵 ：
- 產品好近似，買家主要睇價錢，唔係睇品牌 。
- 好容易出現產能過剩、價格戰。
- 想留喺市場，就要不斷大額資本開支（買機器、升級）。
- 好難有定價權，利潤長期偏薄。
大家可以對號入座，評估一下通用大模型公司是否巴老諗的那種
沒有留言:
發佈留言