咁多人欺凌你，你一定有問題；咁多人買呢隻股，它一定是好股

 

最近睇到楊思琦嘅相關討論，吳家樂等人拋出一句「咁多人欺凌你，你一定有問題」，聽落好似言之鑿鑿，實際上卻是一種極為武斷嘅錯誤邏輯。而呢種思維，唔單止出現喺輿論評論當中，就連大家日常接觸嘅股票投資，亦隨處可見。

 

好多人會陷入一種懶惰嘅思維模式：用主觀自證，取代客觀查證。只憑表面現象就直接跳躍式落判斷，完全唔願意花時間去搜集證據、梳理前因後果。就好似睇到一隻股票多人追捧，就直線認定「咁多人買，呢隻就一定係優質好股」，淨係依靠群體行為做簡單判斷，忽視背後真實情況，呢種做法本身就漏洞百出。

 

更深層嘅問題，係呢套邏輯會演變成「將矛頭指向受害者」。最經典嘅例子，當有人遭遇侵犯、傷害等不幸事件，這類人唔先去質疑犯案者，反而執著於受害者嘅美貌、衣著、認為係當事人自身出問題，先會招來禍患Blame the Victim。這種本末倒置嘅思維，完全顛倒咗是非對錯。正常嘅邏輯應該係，先讓被疑犯一方作出解釋，唔好憑住片面印象、表面跡象就隨意定人罪名，以貌取人、見跡定罪，從來都唔係理性嘅處事方式。

 

將目光轉到股票市場，就更加能夠睇出呢種邏輯嘅禍害。股市魚龍混雜，有人刻意做市、釋放假消息，低價吸貨之後營造熱鬧氛圍，引誘散戶高價接盤。同樣係兩隻交投活躍、多人買入嘅股票，結局可以天差地別。

 

一種就係跟隨大眾盲目入市，單靠「多人買就等於好股」呢個錯誤邏輯做決定，最後多數都會損手爛腳；另一種則是投資者事先搜集數據、核查業績，了解公司是否受政策扶持、有私有化或者併購等實質利好，憑住紮實嘅資訊再作出判斷，自然更容易獲利。同樣嘅多人買表象，因為判斷邏輯唔同，迎來兩種截然不同嘅結果。

 

講返今次嘅風波，吳家樂一類言論其實犯咗兩個明顯嘅錯處。首先，運用咗荒誕嘅邏輯，以群體態度直接定義當事人過錯；其次，事後死不認錯，還語帶恐嚇，一錯再錯。

人無完人，若每事都像福爾摩斯般調查事實，不要說24小時不夠用，我們本身也不是每事都懂，有一個簡單方法，找有此方面有誠信的專家，比如筆者在投資路上也會抄段永平、巴菲特功課。係股票市場，犯錯基本是常事，老手之所以比普通投資者醒是因為他不會參予他不懂的股票，犯錯後馬上承認。

 

最後大家大可不用去找楊思琦為人如何的事實。因為即使對方犯了錯(某人認為)，即使她不聽"善意"指導，若某人叫一隊Team在雙方存在力量不對等下刻意、重複地用言語、行為、孤立等方式，對她造成身心傷害、恐懼，就屬於欺凌，這無關她的對錯，是某人採用什麼手段去傷害對方。