2016年3月12日星期六

巴黎夢話

巴黎,

曾幾何時,筆者聽到股神由拾煙頭升呢(level)上增長股,感懷身世學人地買增長股,其中一隻由1.9買到上升到7.9賺了一注,我覺得自己己經接近"天才",因為天才係從來不接受意見,見到人地的方法都會嘴"渺渺"。

點知第二次加多一倍注碼後由7.9又跌番落1.9,我就想, 是0.39才真,那隻就是超大現代。

於是我又番看Ben Graham本Intelligent investor, 因為每次我有乜投資頭暈身慶都會番看,睇到最後一頁祖師爺說,他有一支唔守佢成本書自己说的規則,包括乜鬼安全邊際, 叫國民保險公司,賺的錢多過佢老人家20幾年來,不睡不吃研究既所有資金買賣的總和,佢得出一個道理就是股票市場有900幾種賺錢方法,盲拳可以打瓜一代宗師,但佢又覺得好運和準備是有關係,於是佢就日日準備和日日等運到。

我也悟出一個小道理,連祖師爺都唔敢話人方法唔掂,於是我就戒掉所有批評別人投资投机的方法的惡習,即使別人買我不太懂的老千、老萬、老億股,除非比人用支槍指住,我都唔再出聲,問襯我就像發開口夢說:"別人賺錢別人本事"。

呢招果然work,最快見效是我多左時間,以前用黎證明別人錯的時間依家用來揾佢做对的地方,因為我話佢本事吖嗎。

我又發現,揾到佢既本事就可以用來賺錢,你揾人錯野又無guts沽空、無行動就好似得個講,真係無乜著數,反而依家我節省左好多時間用黎睡覺,於是精神好左,人又健康扎實左。

呢, 個次唔知好運定凖備, 買個D比人笑既内銀A, 當時A平過H股25%, 買左支後鬼整A股又掉轉頭高過H股25%, 咁就賺50%。

那次我又聽到Seth Karlman被記者問及點解唔買增長股時,他既謙虛又自信說距離股神的景界很遠,自己仍然停留在拾煙頭屁股初級水平。

於是我就決定龜縮在雪茄屁股呢個低水平階段,漸漸我發現原來屁股是有很多形狀,現在我己做到眼中無股,唔用脑用屁股,上帝也和我講股的超高水平低級境界,但我發現經濟可能差左,D神人多左時間來指導我買增長股,咁我真係水平低麻,我唔制。

價值投資就像女人買底褲,好多男人以爲大就是好用,其實大屁股的女人容易迫爆底褲,反而一D女人屁股細細,一條中碼底褲己經大把空間養肥佢。

於是我發明左另類的屁股安全邊際。

有ㄧ次我見到個原本好肥既女人瘦到連衭都甩, 我好心之下比左條䃿佢著, 點支比人罵到依家, 説我cheap, 呢個女人個名好怪叫"揸打“,  曾經係ㄧ代名媛, 真係無陰功, 人情冷暖 , 連伸手扶人都比人罵。

係!我的而且確係個好喜愛cheap野既夜冷收買佬, 但職業無分貴賤麻。

其實呢,唔系話識財務、識基本分析就叫價值投資,得閒真係要睇下Ben Graham兩本書囉,我知我肉麻,成日掛佢老人家上口,但好多嘢真係唔係我講既,我好專重知識版權架。

以下呢位仁兄係小數說自己有睇過S A本書既Blog主,七百幾頁唧,我咁懶咁蠢都睇左兩次,唔睇容乜易比味皇兄拋開九條街,想發達真係要睇羅。

味皇兄寫呢篇文就寫出價值投資真諦,我地唔係買中冧巴置富,而係買中D有著數既賠率。

原來係賠率作怪,跑第尾的賠率分錢比例多過跑第ㄧ。車,咁就唔鬼使升level都賺到錢啦!!
http://realblog.zkiz.com/lgaim/188706

P S:今個星期日直播休息,大家可以拍拖、行街、揍仔、家庭樂了,下星期你地又會唔得閒,我又請左嘉賓,不過改左時間在下午3點Tea time,個Periscope越來越多人follow,其實己經超過個Blog,又要感謝大家的支持,多謝!

還有價值投資第七班己開始接受報名,今次係全球同步,海外朋友也可參加,我知我誇張,其實暫時都只係有亞州的朋友報了名,北美和歐洲的朋友肯定會影響閣下的睡眠和上班時間,你地自己衡量了。
http://parisvalueinvesting.blogspot.hk/2016/03/7.html?m=0

24 則留言:

  1. 聰明的投資者
    還有另外一本是?

    回覆刪除
  2. 這篇寫得很生鬼,哈哈。

    回覆刪除
    回覆
    1. 同意
      以口語敍事十分生動!

      刪除
    2. 有时輕鬆一點,大家會更冷静明白彼此的觀點和局限。

      刪除
    3. 仲以為巴黎兄轉左文風...

      刪除
    4. 仲以為巴黎兄轉左文風...

      刪除
    5. 我都是試下看看會不會好些。

      刪除
  3. 堅持在自己的能力圈內選股及維持自己個人的投資風格和理念(不會隨便轉風格),確實可以減少投資股票的風險。

    回覆刪除
    回覆
    1. Benny兄所言極是,每個人天性皆異,最利害的投资方法就是最配合個人個性的那個。

      刪除
  4. 回覆
    1. 謝謝市埸先生兄不斷的分折好文,互勉之!

      刪除
  5. "別人賺錢別人本事"
    事實上畢竟就是如此!連價值投資始祖Graham都只能說:
    We are convinced that the intelligent investor can derive satisfactory results from pricing of either type. We are equally sure that if he places his emphasis on timing, in the sense of forecasting, he will end up as a speculator and with a speculator´s financial results.(p. 189)
    “我們深信,無論使用哪一種估價方法,賢明的投資者都能從這些方法中獲致令人滿意的投資成果。我們也同樣肯定的是,假如他基於預測而強調擇時方法,那麼,他最終將成為一位投機者,而獲致投機者的財務成果。”

    回覆刪除
    回覆
    1. 這句話其實是拾人牙慧。
      也敬剔自己別做能力範圍以外的事

      刪除
  6. 投資最艱難的事是資本的累積,巴菲特第一次遇見Walter Schloss時他大概21歲,在哥倫比亞大學研究所上第一個學期(Graham要下學期才教到他),The Snowball這樣形容他們會議後的交談:
    As soon as the meeting ended, Warren approached Schloss and they began to talk. He found him a man after his own heart, a believer that wealth is hard to accumulate and easy to lose. (p.76 )

    我認為累積資本最好的方法還是Graham的方法,巴菲特也一直使用到40歲。Walter Schloss與John Templeton卻一直終身使用。巴菲特是40歲以後用3倍於資產淨值的價格買進See's Candies才開始嶄新的投資方法。

    回覆刪除
    回覆
    1. 我也久不久看Philip Fisher 那經典的書Common Stock and Uncommon profits。
      不過真的到現在仍未通,可能要再老些吧。哈哈。

      刪除
  7. 我初時以為巴黎兄个 blog畀人 hack咗,哈哈!

    回覆刪除
    回覆
    1. 哈哈, 没法, 大家有壓力,用幽默應對不同觀點會好d挂

      刪除
    2. 可能我個腦比人hack了,哈哈。

      刪除
  8. 巴黎兄可否寫一寫以股換債實行後有沒有改變你對內銀的看法?

    回覆刪除
    回覆
    1. KM Leung,其實可以簡單幾句解釋:

      以股換債又好,點都好,不要看表面。
      投資最最重要的就是你原來投資的資金的權益(EPS & NAV)是增加了,還是減小。
      兩年前我投資幾支的内銀開始,只有多,沒有小。

      刪除