2015年8月13日星期四

Game Theory :投資博奕論(二)

巴黎:

上篇有關博奕文章的Like數特多,估唔到呢類戰爭文,女仔也啱,今日我就寫多一篇,如果認為啱睇,就給一個Like。

唔知點解有咁多人把悲劇投機客利弗摩作為個人偶像,筆者在此提醒新手,把一些悲劇人物作為個人的Role Modelling,結局將會出現同樣的悲劇,呢D叫Law of attraction。後生仔可能想別人看到自己轟轟烈烈,不過若睇完下面場戰爭,你就唔會再夠膽想轟烈,寧願悶悶地賺錢。

這是筆者最喜愛的中國歷史上最淒美、最浪漫的戰爭,當然是以看故事的旁觀者角度,如果把旁觀者換成主角,我認為自己會頂唔順,或會選擇一刎謝天下。

中國之所以今天版圖如此大,其實要拜五胡十六國時候的外族入侵所賜。其中一個最重要人物就是前秦的符堅,他本身就是胡人的氏人,不過他㓕了凉(夷狄人)、燕和代兩國(鮮卑人)統一北方,把中國地域擴大,甚至較現代的中國西北更遠,所以呢段期間其實應該是五胡興華而唔係亂華。

不知朋友有無睇以當時做背景的天龍八部?還記得入面想復國那個慕容復、又或喬峯和呀朱的兒女情長否?

天龍八部己經寫得非常精彩,但真正的歷史卻過之而無不及,當中真的復了燕國的後燕慕容垂,是一個有血有肉的真英雄,佢打仗博奕的神乎奇技、談笑用兵,隨便掛幾個火把在樹上就把敵軍嚇退的出牌,令我看得如痴如醉。

說得太遠,講番符堅,歷史就是這樣,只差一點點符堅就能統一南北,當他事業達到頂峯之年,正是末頂的開始,一切離不開錯計博奕。

上一篇說孔明和曹操隔住條河的博奕,呢篇也是關於落水戰的博奕。成語草木皆兵、風聲鶴唳就是出自這埸大戰,下次當個股市草木皆兵時,閣下請回憶呢篇文吧。

話說前奏的符堅如日中天,親統一百萬大軍南下攻伐只有八萬軍迎戰的南晉,兩軍在淝水一河之隔對持,史稱淝水之戰。

如果你是符堅,你會怎打呢?

呢個問題其實等同如果你有資金,你會選擇投機定投資一樣。

博奕遊戲現在開始,對手提出一個要求,話既然你(符堅)唔敢渡河過來和我打咁無膽,你D兵又太貼住個岸邊,搞到佢過唔到岸,不如你後退些小,留一片空地,我就過河和你痛快打一場,問你肯唔肯。

Blog友唔好睇下文住,停下來諗諗如果你是手中有百萬大軍的符堅,對手只有八萬,佢要落水,你會後退嗎?

你是否在想,先後退,佢得八萬,引佢地落水,係條河中唔上唔落時就砌佢、放箭?

⋯⋯⋯⋯⋯⋯

嗱,假如你有任何一絲接受對方的建議的想法,就是投機,事實上你根本唔使理佢,如有百萬大軍,就用最傳統打法把五十萬兵分為左右兩翼下水拉開兩面,五十萬正面看形勢,對手是旦救一面你都可以中兵前進圍住佢來砌,孫子説,"十則圍之",就是這意思,呢D就係正路,就好似無論個大市點牛點熊,你有百萬兵都要以最基本的PE、Yield、PB、借貸比選股。即係妖股有九百幾種,好股好買賣只得幾種,只要你揸住宗旨,咁對手係吹你唔漲,耐你唔何。你有耐性慢慢砌佢,佢就一定會瓦解。

但符堅卻心急想贏,以為有著數,百萬大軍1字排(亞拉伯1字唔係中國一字),唔等齊人慢慢擺陣,龍頭在灣仔,龍尾卻在維園,又唔通知全體人員會點退,退幾多步,求其找幾個頭目便下命令,即係唔睇財務數字以為錢多就亂買股。

係前面灣仔(岸前)那班兵當然知道後退係乜事,但是佢地一後退,後面銅鑼灣個班唔知你做乜,呢個時候又有一個有勇有謀的奸細"朱序",佢帶著幾萬秦兵在差不多條龍的中間大叫"秦軍己敗,快逃命!!!"

中軍見前軍後退,又聽到自己的將軍(奸細)叫逃命,好自然就走,前軍見後軍人踩人逃命,羊群效應馬上出現,一百萬大軍就係咁十數分鐘內完全瓦解。

朋友,任你是投機客利弗摩又好,放你在這一百軍的驚恐亂走的大軍內,結果只會是被踩甩頭定踩甩腳、還是心口碎的分別。

似唔似早排上証突然大跌,內地的期貨炒家劉強被亂軍踩死?係咪想起都恐佈呢?

我相信任何一個持有成手垃圾、又無息派或幾拾幾百倍PE股票、大做槓桿的投機人,其實就是把自己置於一群會"隨時"失控的百萬大軍內,他的生命已經完全不是在個人的掌控中。在順境時佢看到一百萬兵對八萬兵,以為贏硬,其實只要是旦從不知處有人叫一聲,佢就會被踩死。

朋友或會以為符堅蠢,其實每日市場都有這麼多的蠢人,把呢D投機兵法當絕世武功來練。

利弗摩、內地期貨的黃強之死固然可惜、也是個悲劇,但在百萬投機的羊群中二人只是當一雙的數字而己。



不過有一D常人以為是不務正業的博奕,卻是十拿九穩,下星期六,22/8日下午2時至5時於銅鑼灣禮頓路119,2201—2203室青年拹會內,我和止凡兄合辦的工作坊中,我就會介紹一個地球上最成功的380萬倍的交易如何改變了價值投資法中傳統的Buy and Hold策略,如果你硬係覺得Buy and Hold唔多就手又找唔到原因,當天之後你就會明白,所以朋友千萬不要錯過,報名請whatsapp 65655883






交易方面:
隻華寶國際呢年價格跌唔小,跌下跌下,跌到有8%Yield,但業績又無跌,所以買左D,大行亂嗡之際反而保誠加注至持股量超過5%。
華寶個ROE這幾年越來越低,其中主要原因是佢現金越來越多,現金較4年前多左倍幾,所以佢EPS增長變成追唔上,其實有36億現金,而總負債只有16億,是可以把多出來的20億用來派息或回購,EPS就可快速回升,ROE也能維持,而現在華寶PE唔夠6倍也是回購的好時機。




51 則留言:

  1. 巴黎兄, 華寶國際手持36億現金, 業績不錯, 但本年中期不派息(打破一向慣例), 是否有些奇怪? 除非公司有擴張計劃. 但2014的派息大增, 是否改為一年派息一次, 巴黎兄, 有何想法?是否有方法核實現金真偽, 或看核數司的的信譽. 謝謝!

    回覆刪除
    回覆
    1. 核數師是四大+保誠保險持股都是側面的核實而已,佢年年增加派息是其二,幾時派反而是其次,最重要是派息政策近年上升到盈利的5成。

      巴黎

      刪除
    2. 這公司多年前已有玩,日後多交流。

      刪除
    3. 狗股小子兄可談談多年來的心德!

      巴黎

      刪除
  2. SK : Interest income / cash on hand = interest rate. If interest rate is reasonable ie 1-2% annual. Cash on hand should be OK.

    回覆刪除
  3. 淝水之戰揭開了相對有才有財晉人南遷到現在類似今天香港面對的大約2000年的中國史,只不過現在用貨幣戰替代,應對好壞更重要。

    回覆刪除
    回覆
    1. 歷史就係由巧合而來。

      巴黎

      刪除
    2. 今次大媽全體交重股稅交換被踩死,一季內我們見證富貴如浮雲。

      刪除
    3. 但大媽著高跟鞋,
      比佢踩中實死。

      巴黎

      刪除
    4. 從目前亞爺的去槓桿和突然貶值如同資本管治做法來看,五千歷史,權錢疊疊,計謀深厚,眼光泛泛,黑法良多,一致印鈔,疏于監督,權官得益,富走傷民,而今之計,提高財商,應對得宜,方可自保。

      刪除
    5. 呢D係宏觀的政治評論,幫唔到兼讓人頭腦發熱,吹水無妨,用來作選股參詳就無益。

      巴黎

      刪除
    6. 感覺上貨幣戰引發黑天鵝如突然貶值資金外流事件會幅度增大,次數增加,應對不好,會左一巴右一巴,需要狡兔三窟。

      刪除
    7. 我的能力未到宏觀理論的水平,過去自己的方法連海嘯也托賴跨過,所以就無謂搵自己麻煩。如果波牛覺得啱你,咁你就繼續用自己的方法。

      巴黎

      刪除
  4. 這戰役被巴黎兄邊寫邊作投資的形容,整個情景實在很形象化。

    回覆刪除
    回覆
    1. 果場戰爭有七成人被踩死,其實真係好似股市。

      巴黎

      刪除
  5. 喂好鬼鍾意呢段「就好似無論個大市點牛點熊,你有百萬兵都要以最基本的PE、Yield、PB、借貸比選股。即係妖股有九百幾種,好股好買賣只得幾種,只要你揸住宗旨,咁對手係吹你唔漲,耐你唔何。你有耐性慢慢砌佢,對手就自然瓦解。」

    我啱啱重頭睇緊中國歷史,睇到呂布未到曹操,睇到曹操會再思考下點解你依家更加鍾意佢,哈哈。

    回覆刪除
    回覆
    1. 其實有好多博奕只要行番大路方法就已經立於不敗,不過硬係有人唔信邪。
      希望你睇完可以談一下個人意見。

      巴黎

      刪除
    2. 因為很多人都喜歡取巧,即省時又省力。
      只是,很多選擇取巧的人,當下就犯了“高估自己能力”的錯。

      刪除
    3. 是的,可能貪快、又或種種原因,但只要在做以前以經典長青的策略,輸的機會就能減到最低。

      巴黎

      刪除
  6. 我從小喜歡看歷史小說,尤其係三國和唐初類的,但從來不懂得用博奕的方法去看。謝謝巴黎兄提供這麼好的視角!現在工作中很多時也要跟客人博奕,所以很明白懂得博奕的好處。但是現在暫時還未懂怎樣做到,如何在股市中運用博奕的技巧,希望慢慢會體會到!

    回覆刪除
    回覆
    1. 有D網上資料用生活例子解釋較易明,看得多D例子就可以偷下橋。

      巴黎

      刪除
  7. 巴黎兄以史喻今之股市,很精彩!受教了!

    回覆刪除
    回覆
    1. 希望這故事能對Sandy有所啓發。

      巴黎

      刪除
  8. 匿名 在您的文章「Game Theory :投資博奕論(二)」留下新留言:

    巴黎兄,近日才發現你的BLOG和你提及的magic formula,今日有空跟你的計算方法做一次,發現有一支1259在很前的排名。
    小弟股齡雖淺,但亦聽過呢隻是一支妖氣沖天的股票。
    小弟睇了2014的年報,發現它所持有的每股的淨現金比現價仲低(扣除負債,仲有每股0.75人仔)。自上市以來都有派息,營運現金流年年都係正。
    當然以上都可以係假帳(我估這也是這支股票長期下跌的原因),究竟巴黎兄是點睇中國民企? 畢竟中國民企有不少是掀發/質疑造假帳。

    Vincent

    回覆刪除
    回覆
    1. Vincent, 若果想學習,你可直接下載Glaucus的報告看,人地寫得好合理,人地也說你咁叻用下你D現金吖。
      咁呢支股淨現金有7億6(已經減曬所有債),D應收帳款和貨物流轉率短得咁巴閉,完全有能力套5億出來回購,咁成間公司就變左係佢,D現金全歸佢自己,咁荀既野我馬上回購,一個仙唔使就私有化間公司,又不需要解釋,又可夾死對手。

      咁點解巨唔做呢?呢個係一個謎,咁就唔好花時間。

      巴黎


      刪除
    2. 的確,有咁多cash都唔回購自己的股票真係鬼鬼地。謝分享。

      刪除
    3. 唔係一定假,但有D仗唔洗一定出戰,有無佢亦唔會影響我的組合大局,這亦是Game Theory一法。

      巴黎

      刪除
  9. 謝恩師分享��

    回覆刪除
  10. 第四段提到的五代十六國應是五胡十六國,巴黎兄可能手快打錯。

    回覆刪除
    回覆
    1. 驃叔叔,我見五朝五胡都有人用(因為每個胡都曾領一個朝代),不過應該是五胡還是較多。

      巴黎

      刪除
  11. 堅決反對匿名惡意攻擊老師,華寶國際只是受宏觀經濟形勢和政策影響,現價只是 7x P/E,價值投資者應該大力吸納,不應止蝕。可惜不少人認為華寶國際是假股。

    回覆刪除
    回覆
    1. 謝謝支持,華寶和批評君二者都和我無親,我唔會為了批評君而把華寶抬高,批評君說話也唔會令我小條頭髮。

      巴黎

      刪除
  12. 究竟中國人(包括香港人)是否已經被咀咒,只懂妒忌、破壞、墮落,卻不懂欣賞、健立、創新?為何一位無私分享個人投資經驗的人(他不是神)當他跟大家分享自己買入的股票下跌時會被人恥笑?為何只懂得take, 不可Give,不誠意分享自己的投資心得還只顧攻擊?希望大家共同努力,共勉之!這亦是game theory內最終的必勝法。

    回覆刪除
    回覆
    1. 多謝二位支持,其實二位可以不必和他一般見識,啱傾既就多談兩句,唔啱既就在戰場見,無謂提醒他。

      我看過通告,華寳大跌30%"可能"是無形資產的減值,實際未必有30%(3億減少),朋友也不必為華寳辯護,要實事求事分析佢講的野的影響。


      巴黎

      刪除
    2. 很喜歡這句「戰場見」,有霸氣,哈哈。

      刪除
    3. 其實也是提醒自己也要小心單位。

      巴黎l

      刪除
  13. 其實不需就個別選股攻擊別人, 如果有上工作坊就知:
    1. 止凡兄話不能照搬別人的投資武器或選股
    2. 巴黎兄話" 自己做決定"

    回覆刪除
    回覆
    1. CK君,
      股神說識得諗到既一分鍾就明白,唔識諗既講極都係唔明,
      有些人就是無緣份,不能強求。

      巴黎

      刪除
  14. 符堅是魏晉南北朝,非五代十國

    回覆刪除
  15. Michael Cheng 在您的文章「Game Theory :投資博奕論(二)」留下新留言:

    巴黎兄,我無意為你辯護 (我諗你都唔需要啦,哈哈!) ,只是覺得他以短期股價升跌作為投資成功與否的唯一準則感到可惜,對別人的投資決定叫陣就更加無謂,不如俾心機搞好自己投資組合的回報率好過啦!

    而且每個人的坐貨能力和可投資餘額不同,實在不建議網友諗都唔諗就跟風買賣,希望佢睇到呢個留言和明白當中的道理啦。

    回覆刪除
    回覆
    1. Michael兄,不好意思,為免"惡搞君"浪費大家時間,刪除佢的回應時連之前你的也刪了。
      每個人的學習態度都不同,也知道你對惡搞君的善意,我可能年紀唔細,見得多呢類人。我認為首先要令佢學習到"我係唔會理會佢"。

      巴黎



      刪除
  16. 我鈡意巴黎兄所言"有些人就是無緣份,不能強求"心態非常好,唔使同佢勞氣!好氣量!

    回覆刪除
    回覆
    1. 我只是不想浪費別人和自己的時間。

      巴黎

      刪除
  17. 看了巴黎兄的回覆,巴黎似乎撈亂了五胡十六國和五代十國。「五胡十六國」中的五胡是指五個外族,所以也有「五胡亂華」一詞。此外「五胡都曾領一個朝代」是不對的,那時五胡不只各自建立了一個國,亦不止經歷僅一代。希望巴黎兄寫中國歷史能跟讀年報一樣嚴謹。

    回覆刪除
    回覆
    1. 謝謝驃叔叔不嫌其煩再次指正,己更改,雖然我對歷史的記性很差,但還想多寫幾篇戰爭和投資博奕文(因為對投資是有啓發的),如再錯誤希望驃叔叔不要見諒。

      巴黎

      刪除