2015年8月28日星期五

三日兩夜⋯⋯溫哥華

巴黎:

最近在無線J2發現3日兩夜旅遊節目,一連兩集由溫哥華土生靚女麥美恩介紹當地,麥美恩活潑爽朗,人靚聲甜,睇起上來,賞心悅目,尤其佢介紹了呢個開左唔係好耐的Squamish 的靚景,我也未去過,嘩!我的天,難怪麥小姐話:"無得輸的美景!!",下次回加,一定要沿著那條去威士拿的Sea to sky highway 殺入去中途的Squamish。呢條公路出名靚,但你揸車就要小心,因為揸揸下你真係以為自己從個海奔向個天咁靚。





自從筆者年青時去過非洲毛里求斯一個半天吊在懸涯山谷上的餐廳吃過一次午飯,就深深被當日的景色吸引,一直都希望自己能有一間獨立屋的後園是如此美景,雖然我極度畏髙,但我仍然會願意每天早上,走出這個平台上感受大自然是如何值得我們敬畏,人生如何的苦短,要如何去找緊當下的每一天,晚上回家在這平台上,如何看著日落洗滌每天的煩囂,感恩每天值得感謝的人與事,這才是筆者嚮往的自由。

講是很難形容,朋友千萬要到MyTV看第53和54集。


筆者曾經有段時間住過北溫哥華,家的背後就是853米高的Grouse Mountain ,2千8百多級非常出名的Grouse Grind可到達山頂,難度是8.5級,估唔活潑的麥美恩咁有意志力可以撐到上山頂,你地見到D石級會覺得乜咁爛,但當地人就是喜愛無乜人工化的天然環境。


由山頂向下落去附近有一條Capilano 吊橋,230尺下就是Capilano River,吊橋的特色就是不停震震下兼差不多全透,我第一次行直頭驚到連腳都舉唔起拖住行,我班六、七歲外甥卻走來走去,衰曬。


唔知大家記唔記得呢度,就係上次那隻貓小姐玩的地方False Creek,我每天都會從屋企樓下一路沿呢條路行去最出名的Granville Island ,順便一說,以前溫哥華唔係叫Vancouver 而是叫Granville ,呢頭全部是舊工廠,攪下攪下就攪到咁靚,你地睇,呢度唔會好似最近尖東海旁的酒店個搞舊野插正係條路,阻曬成個View。

比你住呢十萬蚊一呎靚景有乜用,你落到街D人用仇視眼光恨你幢大廈阻住曬,但係在False Creek你落街就可以隨時和坐在蹬上的陌生人談天,甚至乎喝咖啡,呢D快樂又值幾多錢呢?


從Granville Island 行行下就會來到我屋企樓下間"番鬼佬酒樓",真係我地樓下,因為晚上實在太多人,要5、6點上下攞冧巴,佢地比舊野你,到時到候就嚮,係樓上接收就無問題,但閒閒地等幾小時。佢入面真係好鬼大兼有兩層,兩層都爆咁利害,最近還想擴大到公眾露天,我地居民梗唔制反對,不過若果有股票我買左就唔同,哈哈。但入到去千萬要淨飲唔好叫野食,因為D野真係好鬼難食,想識女仔或男仔就無辦法。
以前後生仔女喜愛在Yale Town 蒲,但近來就開始轉到Olympic Village 呢區,貪新鮮掛。
雖然呢間Craft Restaurant  & Bar D野係咁難食,不過唔緊要,佢另一面係採用開放式設計,
一行出去就見到一隻紅色的"日本狗",我並唔係咁狹隘的民族主義,佢真係叫"JapaDog",
還要是被國際美食家評為死前一定要試的溫哥華日式熱狗,唔講笑真係好好食。

我睇住呢個日本年青移民十年前由一個雪糕車咁大把的流動小販開始,一路做到有幾間舖和幾架車。
拿,下次買股票記住啦,好既食檔係唔怕金融海嘯架,你唔開心嗰陣越想食D好野,
唔通你想食難食既野令自己唔更加唔開心咩。

但係佢聘請D日本妹基本上都唔係溫市土生,所以全部差幾班,否則就perfect了!

呢度就係我屋企樓下,係咪好乾淨呢?

我地香港人的豬皮魚蛋其實都好正,不過唔知能唔能夠再有創意些好似JapaDog有成十幾廿款不同
和風口味的日狗。



轉個頭就來到列治民的Steveson漁人碼頭,景色又是另一種唔同,最出名是買特大的三文魚,季節到的時候你用超市兩三片魚肉的價格可以在這𥚃買成條魚番屋企。

溫哥華出名多靚女,不過係唔止靚女,靚仔亦好多,連賣魚哥哥都成個金髪藍眼的張國榮咁,難怪鍾舒漫被電親。你地睇MyTV時可以完全感覺到鍾舒漫和麥美恩性格的分別,其實又唔係上天特別優待麥小姐,只要香港無左689,每個人都會更活潑快樂。
在溫哥華真係很易能找個華女去選美,可能心情靚人都會靚掛。

看這三日兩夜的介紹其實更要留意麥小姐最後的自己介紹,因為這能讓你認識溫市的某些特質,其實大部分溫市人和她家庭都差不多,在家中都是說無關痛癢的廢話開開心心,諗真又係,為何在家庭共聚之時談些令人倒胃的政治人物、又或覺得人地唔順眼的事。
有一次我到車行買保險,那個三十多歳的青年說他大約十五六歲時移民,他非常感謝父母帶他來,並寜願賺小D也不願換走自由。

他和麥小姐小小年紀已經非常聰明,如果想別人接納自己首先是要接納別人,接受別人可能唔順眼的地方,當然也應該接受自己也會令人唔順眼,呢D就是佢地講的互相接納,forget又好forgive又好,對別人好一點,其實就是對自己好一點,非常著數。

唉,我自己就是老得太快,聰明得太慢,世界是你們年青人的了。


這就是溫哥華,一個地球最適宜居住的地方。





























31 則留言:

  1. Afforable的話, 塘人都想住

    回覆刪除
    回覆
    1. 現在加元對5.9,塘人兄在美國一間物業可在這裏有1.25間,
      完全無難度啦。
      巴黎

      刪除
  2. 真係好吸引下,有機會去開順便探下巴黎兄。。屋企。哈

    回覆刪除
    回覆
    1. 哈哈,歡迎,醉翁之意不在酒,有條橋私人醒,
      約女仔唔好去coffee shop而是星期六或日去跑步,通常都掂,麥小姐也應該唔會例外,哈哈。

      巴黎

      刪除
  3. 一朝早起身睇到D咁靚O既風景, 心情都靚晒

    回覆刪除
  4. 真係好靚 !我有個同學係加拿大讀完大學工作左一兩年,被爸媽威迫利誘回港。他經常同我講,好懷念個十年生活。甚至為了不回港,故意肥左幾科,遲左一年畢業-) 我好向往啊!!!!!!!!

    回覆刪除
    回覆
    1. 香港工作還是不錯,只是氣氛就弱了很多,你的同學有這個懷念是很正常。

      巴黎

      刪除
  5. 好久沒有去granville island, 上一次是7年前!溫哥華,人多了,感覺在改變中

    回覆刪除
    回覆
    1. Duck duck,人是多了,尤其是中國人,幸好制度仍是健全。

      巴黎

      刪除
  6. 我只看過麥小姐的學是學非,原來她是外國回來的。外國自由是寶貴的,只是一直聽講稅收太高。但如果比我揀要自由還是錢,我都寧願自由。好在香港暫時低稅收和還有點自由。呵呵。

    回覆刪除
    回覆
    1. 香港沒有直接稅,表面是低的,但間接稅卻是非常高昂。

      巴黎

      刪除
  7. 行山嗰part好正,香港過份美化咗郊野公園...周圍都舖晒石屎

    回覆刪除
    回覆
    1. 其實我也很喜愛行香港的效野公園,但有時石屎路太硬唔夠草石路好行。

      巴黎

      刪除
    2. 有機會組織個行山團同blog友聚一聚~ haha

      刪除
  8. 匿名 在您的文章「三日兩夜⋯⋯溫哥華」留下新留言:

    巴黎兄你好,

    每日都有看你的文章寫得很好,我也是學習着價值投資的,最近有件事想請教一下:

    建行今年上半年純利為1318.95億元
    貸款減值撥備達404.41億元
    上半年新增不良貸款仍高達311.88億元

    我一直都相信內銀是不錯的投資選擇, 但想請問939不良貸款的總值是不是已蠶食了純利的約三分之一, 請問會計上是不是這樣理解的,謝謝!

    回覆刪除
    回覆
    1. 謝謝你的支持,應是減了404之後尚有1318。

      巴黎

      刪除
  9. 好漂亮的美景,將來孩子大了一停票跑一趟溫埠。
    其實香港行山已經好開心好滿足,景色也不錯,好多日本人都特登來香港行山。

    回覆刪除
    回覆
    1. 翠絲姐有機會真的要走一趟,和孩子一齊去更好。

      巴黎

      刪除
  10. 巴黎兄能否分享watch list?

    回覆刪除
    回覆
    1. Blog內談的多隻股都是我的watch list。

      巴黎

      刪除
  11. 難怪那麼多華人愛移民溫哥華。

    景色,生活節奏,居民個性,都令人嚮往。

    回覆刪除
    回覆
    1. Walkers,每個地方總有值得當地人自豪的地方,溫市就是大自然的景色,慢活的生活。
      巴黎

      刪除
  12. 我就係跟住mayanne 的介紹十月去左vancouver ,squamish真係好值得推介!去过溫哥华唔想返來香港��

    回覆刪除
    回覆
    1. 真希望Jennifer可以分享當中的樂趣!

      巴黎

      刪除