2015年8月12日星期三

買入莎莎國際

巴黎:

我想起巴菲特說牛奶的牌子對顧客無乜分別,Oreo瓶乾才有,固一路對莎莎股票無乜想法,可能自己對化妝品也不懂,不過睇完份莎莎年報,嘩,呢份唔止係年報。

簡直係競爭願境藍圖,有齊十年分析員想看的數字,現在競爭的難處在那、發展的方向應該朝向、員工的進陞明細。過去一年衰係邊,來年會做D乜去補救,咁我開始明白點解一齊起步,佢跑甩了卓越,又老婆姊妹團點解成日去莎莎。

雖然莎莎好坦白,但資本佬係好市儈只講錢,王維基係我偶像,只因為盆數唔得,暫時我都唔會考慮HKTV。

數字方面,隻莎莎得11、2倍PE,6厘幾息,無債,現金流、EPS年年增長,但股價年初至今卻下跌了三成幾,與兩年幾前高位慘烈地跌足一半有多。只是今年EPS受佔中等原因下跌10%,就咁慘烈,唔係掛,吊頸抖兩三季氣都得掛?呢D好正常吖,抓極頭都唔明。

突然間見到幾間大行出報告話莎莎要Underweight ,咁我就明曬,唔使問,當日話睇八蚊、九蚊都係呢班友,佢地己衰左一次啦,又出來唱?

我即刻食粒法蘭西施紅車厘子France's cherry,費X事睬你 ,在除浄截息前買入。

另外見有多餘資金,番買招中基,我知佢係麻麻地,不過佢係一支食剩好多的麻麻雪茄大屁股,川河又平買,都入多小小啦。


P/S:順便一提因為有小部分預先登記22/8工作坊的朋友尚未whatsapp我,座位將會從新流出給有興趣參加的朋友,今次工作坊加長半小時,有興趣者不可錯過!!





65 則留言:

  1. 我4年前開始買,共買了3次,長線支持者。
    看了4年年報,清楚此股實力及風險。
    其中一個風險並不是同行零售店,而是化粧品牌公司,即未能取到市場最想要的品牌產品。
    這是很複雜的議題,並不是簡單,當然老闆富經驗,但如你所講,環境同樣不受老闆或投資者掌控。

    回覆刪除
    回覆
    1. 我發現很多股你也有, 有沒有一百只?

      巴黎

      刪除
    2. 哈哈,未來因應年紀會縮至Blog內的10大核心持股。
      見諒小弟有時持對立意見,只是真心直說,有些東西未必從數字財表可看,雖然我很愛看數字。

      刪除
    3. 我點會介意你有相反意見呢?
      希望你日後還要多回應,
      不過呢度D朋友喜愛討論數字多於個人腦內諗乜,才令我不斷想你給這些資料吧。

      巴黎

      刪除
    4. 我就系比一些非數字的論點嚇怕,點先可以克服心魔呢?

      刪除
    5. 數字用第一手,自己計算就有信心。

      巴黎

      刪除
  2. 回覆
    1. 跌了30%+至說underweight,
      和老散無乜分別,好難睬佢。

      巴黎

      刪除
    2. 可能他們已經出晒貨, 可以大大聲叫沽.

      刪除
    3. 可能想人地比貨佢,不過始終佢地有Fans。

      巴黎

      刪除
  3. 市場份額小著,營業額今年不會超過75億,跌17%,淨利率下降,每股盈利要跌25%,另老細的上娛樂版,馬版的股賣不過。

    回覆刪除
    回覆
    1. 佢地己公告4-6月跌6%。波牛兄能否談17%數字的來源,看看是否我遺留了什麼。
      我就係唔明佢老細咁多公職活動,點寫得到一篇咁實在的主席報告。
      其實賣化妝品好難唔上娛樂版,冷靜D用數據作分析起點吧。


      巴黎

      刪除
    2. 第一季4-6月18.3億,毛利下跌1.3%,還在下跌中,4×18.3=73.2,正常下半年好過上半年,但第二季應不及第一季,去年淨利率9.3%,毛利下跌1.3%,今年大慨8.3%,6.3億。
      每股盈利0.22,估價2.7上下,不中意上馬版不是娛樂版,心不在此。

      刪除
    3. 可能我有偏見,但我買其潛在對手1173,今年營業額/盈利會超過653。

      刪除
    4. 你的計算也合理,我希望莎莎能夠做到年報說的變招。 按過去的表現,它應該能夠的。反正15.5PE是己按你計算什麼也不做後最壞的了。

      每個人的作風不同,以前有個叫齊桓公的齊王,佢什麼玩和食都啱,但佢亦是春秋五霸之首。因為佢係一個用人賢明的君王(佢就係管仲老細)。我唔敢拿郭小明比佢,不過我就覺得郭生出手聰明,佢下面的CFO人工係高過自己架,呢個CFO係我見過唯一一個本地CFO把上市年報寫到好似份Management Account既人,我都想拜佢為師(希望有人可代為介紹)。

      我地做Managment Finance就知,你有本事找到問題的根源,並用數字表達岀來,問題就已經解決了九成。

      波牛兄不防用部IPad的讀音功能,選取了主席報告,然後合起眼,聽下佢自動播放。

      我自已就學到好多野。

      互勉!

      巴黎

      刪除
    5. 單看Google的ROA、Yield、又唔覺威高勁,不過Google成日都錯。

      巴黎

      刪除
    6. ROE13.6%,YIELD 5.26%,PE8.82,主要是PEG0.46(去年)/ 0.20(今年)。

      刪除
    7. 幾年來盈利升升降降,唯2015年突然好,即以三年平均盈利的PE唔會平過莎莎
      對佢無惡意,但我通常無興趣D升升降降和突然大賺的公司。

      巴黎


      刪除
    8. 思路稍微不同,巴黎重過去收息,我較注重預期。

      刪除
    9. 是的,各人都有不同見解,最重要是個人有分析,知道自己做乜就OK。

      巴黎

      刪除
    10. 看了年報和季報,有點不清晰,僱員人數超過5000人,其他(1173-2418人,653-1700人),工資/人明顯高,另季報比較悲觀,銷售下降8.8%比零售化妝品數據下降4.3%大,小心點,接刀風險幾高。

      刪除
    11. 不妨keep住留意下。

      巴黎

      刪除
  4. 莎莎長期折舊很高,股价會低估了嗎?另外預付租金減小是否代表莎莎已準備轉鋪減小租金開支?兒童

    回覆刪除
    回覆
    1. 是的,佢地過去折舊是過高,每年現金流多過盈利己反映這事。年報說己更改折舊率。
      租金方便,佢也話舖位以後會分散各區而非傳統銅鑼灣旺角貴地。

      巴黎

      刪除
  5. 莎莎,看看先,多謝推介。

    回覆刪除
  6. 多謝巴黎兄的分享!剛剛看了莎莎的2014/2015年報,單單是看他們的分析,已經學到好多marketing知識!他們的視野好厲害。因應旅遊發展、本地需要而調整產品組合,增強自身的競爭力;發展網上、APP生意,開拓商機等等,都十分精彩。這份年報值得好好學習。至於是否因此而購入股票,我覺得還是先增值自己財務知識最重要。

    回覆刪除
    回覆
    1. 我時常提醒自己唔好衝動,一陣風非常正確,較我更冷靜,讃!

      巴黎

      刪除
    2. 覺得看恆隆的年報,都幾多野抵學。今晚就看莎莎年報學野。

      -小新的文

      刪除
    3. 睇年報,賺錢之餘又增長知識,有著數!

      巴黎

      刪除
  7. 看年報後,明白了不同種類的公司不能用同一把尺去量度,也有助理解各行各業的運作,即使最終決定不買也已經有賺。

    回覆刪除
    回覆
    1. 正是,睇多幾間就熟能生巧。

      巴黎

      刪除
  8. 此留言已被作者移除。

    回覆刪除
  9. 莎莎國際的5年ROE非常亮麗:
    Closing Date------------2011/03------ 2012/03--------2013/03-------2014/03------ 2015/03
    Return on Equity (%) 37.65---------42.29------------41.79---------- 40.22---------33.90

    彼得·林奇常說的一句話:“沒有債務的公司,就沒有破產的問題。”

    我喜歡研究沒有債務的公司,尤其是大公司。

    回覆刪除
    回覆
    1. 單看數字就一流,如果唔係有佔中、一週一行,很難有此價。

      巴黎

      刪除
  10. 想問下如何人民幣貶值是否一個會影響莎莎業績得因素?

    回覆刪除
    回覆
    1. 好的公司應該做對沖
      以避免匯率波動對營利嘅影響

      刪除
    2. 點會無影嚮,但呢D野等班管理層煩。

      巴黎

      刪除
  11. 匿名 在您的文章「買入莎莎國際」留下新留言:

    第一次留言,因為我都觀察左莎莎一段時間,之前佔中果排已經心郁郁,原因如下:

    1. 個人能力圈。我係投資初哥,睇開的幾位blogger都建議要從自身能力圈入手,扮靚shopping係其中一項,亦都經常會行幾間龍頭藥妝店,加上以前暑期工做過其「對手公司」,叫做有丁咁多行內資訊(雖然係幾年前)

    2. 年報內容。見到公司管理層非常有HEART,分析全面,而且列出相應「具體」的對策,而非好似對手公司咁講D空泛野、交「行貨」或者跟人口水尾。

    3. 電子商貿。零售長遠發展一定要發展埋電子商貿,同埋online marketing,已經係大勢所趨。13-14年報入面,其中一樣野令我非常impressive,就係佢地提到,會加入一樣「追蹤使用者愛好」的功能,我好鐘意網購,尤其淘寶,淘寶之所以令人流連忘返,其中一招好厲害,就係佢就追蹤你睇緊乜,不斷suggest一D類似的商品,你就睇極都睇唔完,愈買愈多(當然淘寶仲有好多好厲害招數,唔只呢樣)。要做內地人生意,能夠做到D同淘寶類似的野,its good!

    另外,14-15年報入面見到莎莎係電子商貿方面又有新玩意,就係搞左IPAD APP。話要發展電子商貿,講得出,做得到,而且不斷見到有進展,做的動作都好正路。

    SASA.COM的內地版,個版面整到同淘寶非常似,支付方式有足夠的「在地化」,例如支付寶、微訊支付、財付通,內地消費者用起泥會非常易上手。免運費門檻只係二百幾蚊,比對手公司低。

    本地ONLINE MARKETING方面,SASA同一D受歡迎的BEAUTY BLOGGER合作賣廣告、搞活動。呢D都係對手公司做唔到/冇去做的野。而家D年輕人,睇手機、YOUTUBE多過睇電視。

    4. 比較對手公司,其中一間,當年係入面工作,感覺唔好,佢地揀泥代理果D品牌有D其實幾好用,但公司對員工刻薄,底薪非常低,做唔到數就罰企,人手唔夠,D員工可以連踩21日都無假放,唔會留得住人才,員工欠缺training,因人手唔夠根本無時間train,好多野亂咁泥。開新舖好似週圍亂插旗咁,SASA撒離的舖位佢就搬入去。(平時成日行,剛好留意到)

    5. 另一間對手公司,個年報已睇到眼都花,只見不斷玩弄財技,做D睇唔明的動作。4億買幢野返泥做寫字樓+倉庫,話自用可以每年省千萬租金同每季幾百萬裝修費,4億咪姐係40年租金?寫字樓同倉庫要每季裝修架咩?真係好難明。發展業務篇幅就寫D空泛野,來來去去都係果D。仲有,全線店面門口的主題顏色改做黑色,整D彩虹字,老土又核突。

    但由佔中至今仲未買入係因為以下幾點:

    1. 個價可以低D (因佔中,以及人們愈來愈睇淡自由行,零售股會普遍不被看好)。
    2. 儘管已經算係抵買,但手上資金不多,剛出來工作人工唔多,兩手已經過萬,儲落的錢買左其他股,仲有其他心水零售股想買,要觀望及取捨。
    3. 觀察年報入面講的策略係咪講得出做得到。

    泥緊8月21日除淨,又跌到52週低,今次應該真係會出手買少少啦。

    另一個BLOG「投資之旅」都有提過SASA
    http://trendalysis.blogspot.hk/2014/11/review.html

    PS. 其實我有去過巴黎先生你搞的工作坊 (之前冬天搞果個,姐係止凡小朋友剛好出世果次)

    Alison

    回覆刪除
    回覆
    1. Tony Law2015年8月13日 上午11:27
      首先謝謝Alison的支持,我也希望如果你時間方便,今次工作坊可見到你。

      我估唔到你介紹個Blog,兩支股莎莎和華寶我也剛剛買入,只是我較那Blog主遲了9個月,亦即兩支股勁跌很多之後。

      你的觀察方向很正確,從自身身邊開始,每天9個小時的工作,就是9小時的分析。
      努力加油!

      巴黎

      刪除

      刪除
    2. 果幾個月「暑期工」已是4年前的事啦,我都係畢業後要出第一份糧先思考理財及投資呢。工作坊地點對我而言有點遠,有機會再參加啦。如果在九龍區搞應該會更方便來自五湖四海的網友呢。

      刪除
    3. 我會收集你們的建議後再安排。

      巴黎

      刪除
    4. 想問一下Alison,我關注是你暑假工對手,當時化妝品營業額大約為現在一半6-7億吧,你暑假工間鋪員工人數多少?旺鋪非旺鋪?目的是推算2418今年員工有多少為化妝前線,成衣前線,大陸成衣廠員工數,推算成本。

      刪除
    5. 其實唔太明你你指邊間,哈哈。我當年係同時有化妝品及時裝業務果間,2011年,西洋菜街旺舖,個舖位而家係同一位置,但當年未打通細一半,全職加兼職10零個員工左右,當時都月租百幾萬。好其一問,為何推算成本?照計年報應該有寫?

      刪除
    6. 2004年曾買,現在沒有貨,多謝巴黎兄提醒,我會留意(不過是另一間公司)。p.s.我的女性朋友們喜歡去韓國買化妝品,哈

      刪除
    7. Alison,目前有82間化妝品加上246間時裝(本港165間),共有2418員工(工資2.98億,應該有時裝廠大陸員工,相對四年前少了700人),本港員工大約1400,大約2.4億人工才合理,第一季化妝品有5.2億銷售,估計化妝品人員有700一750左右,積效可超過178。

      刪除
    8. 狗股小子,呢個時候好多股也值得留意。
      據年報說SaSa己參加很多韓國化妝品,你的朋友可以省下飛機票了。

      巴黎

      刪除
  12. 可否留8月22號1個位、請回覆

    回覆刪除
  13. 多謝巴兄推介。一直有留意莎莎,不過小弟有D擔心自由行收緊、零售市場痿縮等問題。不過見巴黎兄有興趣,小弟又去睇下年報學下野先。

    回覆刪除
    回覆
    1. 其實大家亦唔洗急,睇下年報、了解下先,千萬唔好急,
      唔啱既再等一會、買第二些也是好事,要自己覺得舒服至好。

      巴黎

      刪除
  14. 你好,我想問下邊到可以睇到你搞既工作坊既資料(如日期、時間、地點...) ?
    除左22/8外仲有無咩日子?
    謝謝

    回覆刪除
    回覆
    1. http://parisvalueinvesting.blogspot.com/2015/07/blog-post.html

      暫時只有22/8
      2:00-5:00pm 銅鑼灣禮頓路119,2201-2203

      巴黎


      刪除
  15. 過去數字很好,可是有多少是自由行生意,人民幣眨值因表峭也令人尻嗚產生疑慮,但利好是租金有望下調,股價也大幅修正,雖我沒買但希望巴黎兄是對的

    雪明

    回覆刪除
    回覆
    1. 現在大家也是靠估,要睇落去至知。

      巴黎

      刪除
    2. 目前只可說防守性OK,中期營業額下降,盈利不一定,可通過折舊調整,11月底有分曉,在未形成橫行前未見底。個人意見。

      刪除
  16. 可否請教一下?
    想請問「和巴菲特同步買進」一書中,巴菲特的十大投資秘技的第八項:
    8.正確的營運成本【(今年EPS-10年前EPS)/10年來的每股保留盈餘是否大於12%~15%】

    10年來的每股保留盈餘是怎樣找的?
    英文是Retained Earnings嗎?但在財報找不到這項目
    保留盈餘的計算公式是「期底保留盈餘=期初保留盈餘+淨利-股息」嗎?
    但「期初保留盈餘」是怎樣找的?
    可否用莎莎國際作例子解釋一下,拜託,謝謝!

    回覆刪除
    回覆
    1. http://wawafinanceessais.blogspot.tw/2013/11/blog-post_4697.html

      刪除
    2. http://wawafinanceessais.blogspot.tw/2013/11/blog-post_4697.html
      這裡只是計了6年的EPS,
      卻沒有先加6年前的保留盈餘,
      這樣的計法,對嗎?

      刪除
    3. 10年來的每股保留盈餘是怎樣找的?
      英文是Retained Earnings
      ⋯⋯>,我沒有你的書,所以唔知點答你。
      但你的公式是對的。期初=上年的期未總shareholders equity。

      巴黎

      刪除
    4. 2015年10月06日
      【財經評論】「零售寒冬」的真相
      hk.apple.nextmedia.com/realtime/finance/20151006/54282841

      純粹分享一下
      有沒有意見?
      ken

      刪除
    5. Ken兄,
      有人歡喜有人愁,我對這報導沒有意見。

      巴黎

      刪除
  17. 巴黎兄又同我有共同持股了,,
    我持有sasa已有幾年,,忠實fans,,
    sasa比卓悅同威高勁好多,,實力差好多皮,,
    你淨係睇佔中時的生意已知,,sasa同期直頭冇乜跌,,
    但卓悅已跌20多%,,
    加上sasa的資產負債表一流,,good,,
    我的核心持股之一,,
    努力,,互勉之...
    cleverpeople...

    回覆刪除
    回覆
    1. 買股最緊要啱自己方法就得。
      我估唔到呢類股跌得咁啱。

      巴黎

      刪除